...

Babadağda itkin düşənlərin 3-ü xilas edilib, ölən şəxsin meyiti isə ərazidən çıxarılır

Hadisə Materials 6 Avqust 2022 15:33 (UTC +04:00)
Babadağda itkin düşənlərin 3-ü xilas edilib, ölən şəxsin meyiti isə ərazidən çıxarılır

Trend-i buradan izləyin

Bakı. Trend:

İsmayıllı rayonu ərazisində Babadağ dağında köməksiz vəziyyətdə qaldığı bildirilən şəxslərdən 3 nəfəri - Xudaverdiyev Nicat, Xudaverdiyev Ağa və qardaşı Xudaverdiyev Emil sağ tapılaraq aidiyyəti üzrə təhvil veriliblər.

Fövqəladə Hallar Nazirliyindən (FHN) Trend-ə verilən məlumata görə, həlak olmuş Məmmədov Mübariz Əliağa oğlunun yeri müəyyən edilib. Hazırda cəsədin mürəkkəb relyefli dağlıq ərazidən çıxarılması işləri aparılır.

Xatırladaq ki, bu gün səhər saatlarında Fövqəladə Hallar Nazirliyinin "112" qaynar telefon xəttinə İsmayıllı rayonu ərazisində Babadağ dağında bir neçə nəfərin köməksiz vəziyyətdə qalması barədə məlumat daxil olub. Məlumat daxil olduqdan dərhal sonra FHN-in Şimal-qərb Regional Mərkəzinin axtarış-xilasetmə qrupu xilasetmə işlərinə cəlb olunub. Axtarışlar mürəkkəb relyefli dağlıq ərazidə və əlverişsiz hava şəraitində aparılıb.

xxx

11:55

Babadağda 4 nəfər itkin düşüb.

Fövqəladə Hallar Nazirliyindən (FHN) Trend-ə verilən məlumata görə, İsmayıllı rayonu ərazisində Babadağ dağında bir neçə nəfər köməksiz vəziyyətdə qalıb.

FHN-nin Şimal-qərb Regional Mərkəzinin xilasetmə qüvvələri axtarış-xilasetmə işlərinə cəlb olunub, aidiyyəti qurumlar məlumatlandırılıb.

Əlavə məlumat veriləcək.

Məqalədə:
Xəbər lenti

Xəbər lenti