Azərbaycan, Bakı / Trend müxbir K.Zərbalıyeva/ Sərhəd Qoşunlarının Lənkəran ərazisindəki N saylı hərbi hissəsinin əsgəri Cavid Hüseynov intihar edib. Zərdab rayon hərbi komissarlığından ötən ilin oktyabrında hərbi xidmətə çağrılmış 1988-ci il təvəllüdlü C.Hüseynovun meyidi hərbi hissənin yardımçı təsərrüfatındakı istifadə olunmayan boş otaqda ipdən asılmış vəziyyətdə tapıilıb.
Zərdab rayon hərbi komissarı Rəfael Vahidov bildirib ki, əsgərin meyidi doğulduğu Pərvanlı kəndinə gətirilib və dəfn olunub. Faktla bağlı Lənkəran hərbi prokurorluğunda Cinayət Məcəlləsinin 125-ci (özünü öldürmə dərəcəsinə çatdırma) maddəsi ilə cinayət işi açılıb və istintaq aparılır.
