Azərbaycan, Bakı, 19 yanvar /Trend/
Bu gün Gəncənin avtomobil bazarında qəribə hadisə yaşanıb.
Trend-in Kəpəz TV-yə istinadən verdiyi məlumata görə, bazara girən inək avtomobillərin və insanların üzərinə hücum edib. Satıcı və alıcılar təşvişə düşərək, ərazidən qaçmağa başlayıblar. İribuynuzlu heyvan 5 avtomobilə zərər vurub.
Bazara polis, Baytarlıq İdarəsinin əməkdaşları və digər aidiyyəti qurumların nümayəndələri cəlb olunublar. Heyvanı zərərsizləşdirmək mümkün olub.
İnəyin kimə məxsus olduğu və əraziyə necə gəldiyi araşdırılır.