Ermənistanın xarici işlər naziri Vardan Oskanyan bu gün İrəvanda bəyan edib ki, ATƏT-in Minsk qrupu həmsədrlərindən Dağlıq Qarabağ münaqişəsinin həlli üzrə danışıqlar prosesinin davam etdirilməsi ilə bağlı təkliflər gözləyir.
Bu gün "Mediamaks"ın suallarını cavablandıran Oskanyan bildirib ki, vasitəçilər Ermənistan və Azərbaycanın xarici işlər nazirləri arasında ayrı-ayrı görüşlərin keçirilməsi barədə təkliflər irəli sürürlər.
"Hesab edirəm ki, bu yaxınlarda regiona baş tutan səfərdən sonra vasitəçilər tərəflərdə narazılıq doğuran məsələlər barədə təsəvvürə malik oldular" - deyə Ermənistanın XİN rəhbəri bildirib və hazırda həmsədrlərin bu məsələlərin yenidən formalaşdırılması ilə bağlı iş apardıqlarını istisna etməyib.