Azərbaycan, Bakı / Trend , müxbir E.Hüseynli/ Ermənistan Silahlı Qüvvələrinin bölmələri noyabrın 13-də saat 17.20-dən 17.30-dək və saat 18.20-dən 18.40-dək Goranboy rayonunun Tapqaraqoyunlu və Gülüstan kəndlərinin yaxınlığında yerləşən mövqelərdən, saat 21.05-dən noyabrın 14-ü saat 01.20-dək fasilələrlə Tərtər rayonunun Çaylı və Çiləbürt kəndlərinin yaxınlığında yerləşən mövqelərdən, saat 03.35-dən 05.00-dək fasilələrlə Ağdam rayonunun Tağıbəyli və Cəvahirli kəndlərinin yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Bu barədə çərşənbə günü Azərbaycan Respublikası Müdafiə Nazirliyinin mətbuat xidmətindən məlumat verilib.
Bütün hallarda cavab atəşilə düşmən susdurulub.
İtki yoxdur.