...

Dövlət Duması Komitəsinin sədr müavini Markov Rusiyanın Ermənistana silah tədarük etməməsinə əmin deyil

Ermənistan-Azərbaycan münaqişəsi Materials 6 Fevral 2009 14:25

Trend-i buradan izləyin

Rusiya, Moskva, 06 fevral/ Trend , müxbir R.Ağayev/ Dövlət Duması Komitəsinin sədr müavini Sergey Markov Rusiyanın Ermənistana silah tədarük etməməsinə əmin deyil.

"Mən güman edirəm ki, Rusiya Ermənistan ilə müttəfiq münasibətləri çərçivəsində silah tədarük edə bilər", - deyə Trend -a müsahibəsində Siyasi Tədqiqatlar İnstitutunun direktoru Markov bildirib.

Bəzi kütləvi informasiya vasitələri bu yaxınlarda Rusiyanın Ermənistana Gümrüdəki 102 saylı hərbi bazasından təqribən 800 mln. Dollar dəyərində silah və hərbi texnika verməsi barədə informasiya yayıb. Rusiyanın Azərbaycandakı səfiri Vasili İstratov vəziyyətin aydınlaşdırılması üçün Azərbaycanın Xarici İşlər Nazirliyinə dəvət olunub. Daha sonra Rusiya Federasiyasının Müdafiə və Xarici İşlər nazirlikləri Yerevana Rusiya silahlarının tədarük edilməsi ilə bağlı yayılan informasiyaları təkzib edib. Lakin Moskvanın cavabı Bakını qane etməyib. İki ölkənin xarici işlər nazirləri arasında baş tutan telefon söhbəti zamanı bu məsələ ilə bağlı məsləhətləşmələrin aparılması qərara alınıb.

Azərbaycan parlamentinin spikeri Oqtay Əsədov parlamentin bazar ertəsi keçirilən iclasında Rusiya tərəfindən Ermənistana silah verilməsi faktını rusiyalı həmkarları ilə müzakirə etmək üçün deputatların Moskvaya ezam edilməsini təklif edib.

Makarovun sözlərinə görə, rusiyalı deputatlar Ermənistana silahın verilib-verilməməsi barədə suala cavab verməlidirlər.

"Bu barədə mənim dəqiq fikrim yoxdur", - deyə Markov bildirib.

Onun fikrincə, Ermənistana silah tədarükü ehtimallarında məntiq var, çünki Azərbaycanın hərbi büdcəsi sürətlə artır və balans pozularsa, bu, hərbi əməliyyatlara yuvarlanma üzrə tendensiyanın formalaşmasına yardım göstərə bilər. "Bu mənadə Rusiyanın Ermənistana silah tədarükü paradoksal deyil və Azərbaycan xalqının maraqlarına cavab verir. Çünki müharibə böyük faciəyə gətirib çıxara bilər və heç nəyi həll etmək mümkün olmaz", - deyə Markov bildirib.

Onun sözlərinə görə, digər tərəfdən, ola bilsin ki, silah tədarük olumayıb, çünki Rusiyanın rəsmi şəxsləri bu faktı qətiyyətlə təkzib edirlər.

İki Cənubi Qafqaz ölkəsiarasında münaqişə 1988 - ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994 -cü ildə tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki, nəticəsiz sülh danışıqları aparılır.

Məqalə müəllifi ilə əlaqə ünvanı -  [email protected]

Xəbər lenti

Xəbər lenti