Azərbaycan, Bakı, 25 may /Trend, müxbir T.Cəfərov/
"İran İslam Respublikası, Dağlıq Qarabağda keçirilən "parlament seçkiləri"ni tanımır və seçkilərlə əlaqədar İran İslam Respublikası tərəfindən həmin yerə heç bir nümayəndə ezam olunmayıb", - Trend-in məlumatına görə, bu barədə İranın Azərbaycandakı Səfirliyinin Dağlıq Qarabağda keçirilmiş "parlament seçkiləri" ilə əlaqədar yaydığı bəyanatda bildirilir.
Mayın 23-də Dağlıq Qarabağda separatçı rejimin qondarma "parlament seçki"si keçirilib. BMT, ATƏT, Avropa Birliyi və digər beynəlxalq təşkilatlar "seçki"ləri tanımadıqlarını bəyan edib və bu aksiyanı pisləyib.