Azərbaycan, Bakı, 22 iyun /Trend/
Ermənistan Silahlı Qüvvələri bir neçə istiqamətdə atəşkəs rejimini pozub.
Müdafiə Nazirliyinin mətbuat xidmətindən çərşənbə günü Trend-ə bildirilib ki, Ermənistan Silahlı Qüvvələrinin bölmələri iyunun 21-də saat 16:10-dan 16:50-dək Ermənistan Respublikasının Krasnoselsk rayonunun ərazisindəki adsız yüksəkliklərdə yerləşən mövqelərdən Gədəbəy rayonunun ərazisindəki adsız yüksəkliklərdə yerləşən mövqelərimizi, saat 13:35-dən 13:50-dək Füzuli rayonunun ərazisindəki adsız yüksəkliklərdə yerləşən mövqelərdən üzbəüz mövqelərimizi atəşə tutub.
Eyni zamanda, həmin gün 18:25-dən 18:27-dək və 22:50-dən 22:55-dək Tərtər rayonunun Yarımca kəndi yaxınlığında yerləşən mövqelərdən, 22:50-dən 22:55-dək və 23:40-dan 23:45-dək Ağdam rayonunun Cəvahirli və Şıxlar kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və iri çaplı pulemyotlardan atəşə tutublar.
Düşmən cavab atəşi ilə susdurulub.
Azərbaycan Müdafiə Nazirliyi: Cəbhə xəttində gərginlik davam edir
Ermənistan Silahlı Qüvvələri bir neçə istiqamətdə atəşkəs rejimini pozub.
