...

Həmsədrlər işğal olunmuş ərazilərdən təmas xəttinin Azərbaycan Ordusunun nəzarətində olan tərəfinə keçiblər

Ermənistan-Azərbaycan münaqişəsi Materials 22 Oktyabr 2011 12:00 (UTC +04:00)
Azərbaycan və Ermənistan qoşunlarının təmas xəttində bu gün keçiriləcək monitorinqdə iştirak etmək üçün ATƏT-in Minsk qrupunun həmsədrləri işğal olunmuş ərazilərdən təmas xəttinin Azərbaycan Ordusunun nəzarətində olan tərəfinə keçiblər.
Həmsədrlər işğal olunmuş ərazilərdən təmas xəttinin Azərbaycan Ordusunun nəzarətində olan tərəfinə keçiblər

Trend-i buradan izləyin

Azərbaycan, Bərdə, 22 oktyabr /Trend, müxbir Ş.Cəliloğlu/

Bu gün ATƏT-in Minsk qrupunun həmsədrləri işğal olunmuş ərazilərdən təmas xəttinin Azərbaycan Ordusunun nəzarətində olan tərəfinə keçiblər. Bu barədə Trend-in bölgə müxbiri xəbər verib.

Müdafiə Nazirliyinin mətbuat xidmətindən şənbə günü Trend-ə bildirilib ki, ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, okytabrın 22-də Azərbaycan Respublikasının Tərtər-Ağdərə yolundakı təmas xəttində monitorinq keçirilir.

Monitorinqi Azərbaycan tərəfdə ATƏT ofisinin əlaqələndiricisi İmre Palatinus və səhra köməkçisi Xristo Xristov keçirirlər.

Təmas xəttinin qarşı tərəfində isə monitorinqi ATƏT-in fəaliyyətdə olan sədrinin şəxsi nümayəndəsi Anjey Kasprşik və onun səhra köməkçiləri Antal Herdiç və Marius Puodziunas keçirirlər.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

Xəbər lenti

Xəbər lenti