Azərbaycan, Bakı, 27 avqust /Trend müxbir K.Zərbalıyeva/
Cəbhə xəttində atəşkəs pozulub.
Müdafiə Nazirliyinin mətbuat xidmətindən Trend-ə verilən məlumata görə, Ermənistanın silahlı qüvvələri bu gecə Ağdam rayonunun Yusifcanlı; Füzuli rayonunun Aşağı Əbdülrəhmanlı, Aşağı Seyidəhmədli; Goranboy rayonunun Tapqaraqoyunlu; Xocavənd rayonunun Kuropatkino kəndləri yaxınlığında və Göygöl rayonunun ərazisindəki adsız yüksəkliklərdə yerləşən mövqelərdən atəşkəs rejimini pozublar.
Düşmən cavab atəşi ilə susdurulub.