Azərbaycan, Bakı, 10 iyun /Trend, müxbir S. Ağayeva/
Azərbaycan və Ermənistanın xarici işlər nazirləri prezidentlərin görüşünə hazırlıq məsələlərini müzakirə etmək üçün iyunun sonunda görüşəcəklər. Trend-in məlumatına görə, bu barədə bazar ertəsi jurnalistlərə Azərbaycanın xarici işlər naziri Elmar Məmmədyarov bildirib.
Məmmədyarovun sözlərinə görə, Vaşinqtona səfərdən dönərkən Londonda ATƏT-in Dağlıq Qarabağ münaqişəsi üzrə Minks qrupunun həmsədrlərilə görüşüb. Görüşdə dövlət başçılarının qarşıdakı görüşünün tarixi və gündəliyi müzakirə edilib: "Prezidentlərin görüşünün məqsədi Dağlıq Qarabağ münaqişəsinin nizamlanmasının ciddi məsələlərinin müzakirə edilməsidir. Mən prezidentlərin görüşünə hazırlıq məsələlərini hərtərəfli müzakirə etmək üçün Ermənistanın xcarici işlər naziri Edvard Nalbandyan ilə görüşü gözləyirəm".