...

Parisdə erməni təxribatının qarşısı alınıb (FOTO)

Ermənistan-Azərbaycan münaqişəsi Materials 22 Sentyabr 2017 11:42 (UTC +04:00)
Parisdə başlayan Beynəlxalq Qastronomiya Festivalında Azərbaycan da təmsil olunur.
Parisdə erməni təxribatının qarşısı alınıb (FOTO)

Trend-i buradan izləyin

Bakı. Trend:

Bu gün Fransanın paytaxtı Parisdə başlayan Beynəlxalq Qastronomiya Festivalında Azərbaycan da təmsil olunur.

Diasporla İş üzrə Dövlət Komitəsindən Trend-ə verilən məlumata görə, Sena çayı sahilində qurulmuş və üç gün davam edəcək tədbirdə 40 ölkə iştirak edir.

Beynəlxalq Qastronomiya Günlərində azərbaycanlıları təmsil edən Fransada Azərbaycanın Dostları Assosiasiyasının baş katibi və Paris Azərbaycan Evinin rəhbəri Mirvari Fətəliyeva bildirib ki, tədbirə hazırlıq işləri zamanı ermənilər növbəti dəfə təxribata əl atıb. Belə ki, şəhərcikdə qurulan Ermənistan çadırında bu ölkə ilə yanaşı, Azərbaycanın işğal olunmuş ərazilərindəki qondarma rejimin "bayrağı" da asılıb. Lakin Azərbaycan diaspor rəhbərinin məsələyə müdaxiləsindən sonra təxribatın qarşısı alınıb və sözügedən bayraq endirilib.

Qeyd edək ki, Beynəlxalq Qastronomiya Günlərində Paris sakinləri, o cümlədən dünyanın müxəlif bölgələrindən gəlmiş turistlər Azərbaycan çadırında zəngin mədəni irsimizdən nümunələrlə tanış ola biləcəklər. Tədbirdə Azərbaycan mətbəxindən isti yeməklər, şirniyyatlar, içkilər sərgilənəcək, onların dequstasiyası və satışı təşkil olunacaq. Bununla yanaşı, süfrə mədəniyyəti, tariximizi əks etdirən əl işləri, milli sənətkarlıq nümunələri, geyim və bəzək əşyaları nümayiş olunacaq və musiqilərimiz səsləndiriləcək.

Məqalədə:
Xəbər lenti

Xəbər lenti