Bakı. Trend:
Trend BİA beynəlxalq ictimaiyyəti Dağlıq Qarabağda baş verən hadisələr haqqında fasiləsiz şəkildə məlumatlandırır.
"Əl-Cəzirə" telekanalında növbəti çıxışı zamanı Trend BİA-nın baş redaktoru Rufiz Hafizoğlu ərəb ictimaiyyətini Dağlı Qarabağdakı son hadisələr barədə məlumatlandırıb.
O qeyd edib ki, Ermənistanın hərbi təxribatları davam edir və Azərbaycan ordusu buna adekvat cavablar verir:
"Azərbaycan Silahlı Qüvvələri öz ərazilərinin erməni işğalından azad olunması üçün əks-hücum əməliyyatlarını davam etdirir".
Baş redaktor əlavə edib ki, Azərbaycan öz ərazilərində hərbi əməliyyatlar keçirir və bu əməliyyatlar Ermənistanın hərbi təxribatından sonra başlayıb:
"Bütün dünya bilir ki, Azərbaycan Ermənistan tərəfindən hücuma məruz qalıb".
