Bərdə rayonunda quş qripi ilə bağlı maarifləndirmə məqsədilə Təhsil və Səhiyyə nazirlikləri tərəfindən elan və reklamlar yayılır. Elan və reklamlarda əsasən H5N1 virusuna yoluxmamaq və ondan qorunmaq yolları əks olunub.
Şəhər sakinləri isə əvvəlcədən görülmüş bu tədbirdən çox razıdırlar. Bərdə rayon Baytarlıq İdarəsinin rəisi Aydın Məmmədov Trend in bölgə müxbirinə bildirib ki, bu cür tədbirlər mütəmadi olaraq keçirilir. Əraziyə vurulan reklam və elanlar isə ayda bir dəfə dəyişdirilir. Çünki yağışlı və günəşli hava onları yararsız vəziyyətə salır.
A.Məmmədov onu da qeyd etdi ki, bu günə qədər ev və çöl quşlarında hər hansı bir qorxulu xəstəlik aşkar edilməyib.
