Azərbaycan, Bakı / Trend müxbir İ.Əlizadə/ Avqustun üçü və dördündə müxtəlif saatlarda Ermənistan Silahlı Qüvvələri tərəfindən fasiləsiz olaraq atəşkəs rejimi pozulub. Bu barədə şənbə günü Azərbaycan Müdafiə Nazirliyinin mətbuat xidmətindən məlumat verilib.
Məlumatda qeyd olunub ki, atəşkəs rejiminin pozulması Ağdamın Çıraqlı, Əhmədağalı, Sarıcalı, Şıxlar, Tərtərin Karmiravan və Goranboyun Tapqaraqoyunlu kəndlərində daha geniş şəkil alıb.
Avtomat və pulemyotlardan aramsız atəşlər açan düşmən cavab atəşi ilə susdurulub, itgi yoxdur.