...

Azərbaycanın "Müsavat" partiyasının gənclər təşkilatında fikir ayrılıqları yaranıb

Siyasət Materials 9 Yanvar 2008 19:41 (UTC +04:00)

Azərbaycan, Bakı 9 yanvar/ Trend , müxbir C.Babayeva/ Müxalifətyönlü "Müsavat" partiyasının gənclər təşkilatında strukturun legitimliyi ilə bağlı fikir ayrılıqları yaranıb.

Dekabrın 23-də "Müsavat" partiyasının gənclər təşkilatının konfransı keçirlib.Konfransda Tural Abbaslı sədr seçilib. Bu vaxtadək təşkilata gənclər struktrunun digər fəal üzvü Elnur Məmmdəli başçılıq edib. O, son doqquz ay ərzində bu vəzifədə olub.

Yeni sədr seçildikdən sonra Məmmədli "Müsavat"-ın Mərkəzi Nəzarət-Təftiş Komissiyasına (MNTK) müraciət edib və Abbaslını qeyri-legitimlikdə günahlandırıb. Partiyanın MNTK-sı bir ay ərzində Məmmədlinin müraciətinə cavab verəcək.

Çərşənbə günü Məmmədli Trend -ə bildirib ki, Abbaslının sədr seçildiyi seçkilər partiyanın Nizamnaməsinə cavab verməyib. O, "Müsavat"-ın gənclər təşkilatının "qanuni sədri" olduğuna əmindir.

Məmmədli tezliklə "Müsavat"-ın gənclər təşkilatının üzvlərinin növbəti konfransını çağırmaq və yeni sədr seçmək niyyətindədir. O, partiya gənclərinin onu dəstəkləyəcəyinə əmindir. Məmmədli bu vaxtadək özünü partiyanın gənclər təşkilatının rəhbəri hesab edir.

Məmmədlinin sözlərinə şərh verən gənclər təşkilatının hazırki sədri Abbaslı Trend -ə, strukturun bütün səlahiyyətlərinin ona məxsus olduğunu bildirib. "Mənim sədr seçildiyim konfransda Müsavat partiyasının rəsmi şəxsləri iştirak ediblər" -Abbaslı bildirib.

Yanvarın 12-də "Müsavat" partiyası Ali Məclisinin iclasında dekabrın 23-də keçirilən və Abbaslının "Müsavat" partiyası gənclər təşkilatının sədri seçildiyi konfransın protokolunun təsdiqi məsələsinə baxılacaq.

Xəbər lenti

Xəbər lenti