Azərbaycan, Bakı, 28 yanvar / Trend , müxbir S.Ağayeva / Bazar ertəsi Moskvada Azərbaycan və Rusiya arasında siyasi məsləhətləşmələr başlayıb. Məsləhətləşmələr hər iki ölkənin xarici işlər nazirləri müavinlərinin rəhbərliyi ilə keçirilir. XİN-in mətbuat katibi Xəzər İbrahimin bazar ertəsi verdiyi məlumata görə, görüşdə Azərbaycanı Xələf Xələfov təmsil edir.
Məsləhətləşmələr ikitərəfli əməkdaşlığın aktual məsələləri üzrə aparılır. Tərəflər Xəzərin statusunun müəyyən olunması, sərhədlərin qorunmasının təmin edilməsi və s. məsələlər üzrə fikir mübadiləsi aparırlar. Sabah Moskvada Azərbaycan-Rusiya sərhədlərinin delimitasiyası və demorkasiyası üzrə Dövlət Komissiyası çərçivəsində ikitərəfli danışıqlar keçiriləcək.
