...

GUAM-ın üçüncü sammiti Tbilisidə keçiriləcək

Siyasət Materials 5 Fevral 2008 14:42 (UTC +04:00)

Azərbaycan, Bakı, 05 fevral/ Trend , müxbir S.Ağayeva / "Demokratiya və İqtisadi İnkişaf Naminə Təşkilat - GUAM"ın üçüncü sammiti iyunda Tbilisidə keçiriləcək. Sammitə hazırlıq məsələlərini təşkilatın Gürcüstan, Ukrayna, Azərbaycan və Moldovadan olan milli koordinatorlar fevralın 12-də Kiyevdə müzakirə edəcəklər. Bu barədə çərşənbə axşamı Kiyevdən, GUAM-ın Katibliyindən telefonla məlumat veriblər.

Milli koordinatorların iclasından əvvəl Milli Koordinatorlar Şurasının (MKŞ) iclasının gündəliyini hazırlamaq üçün Ukraynanın paytaxtında toplaşacaq ekspertlərin görüşü keçiriləcək.

MKŞ-in iclasında GUAM-ın institusional inkişafı və təşkilati fəaliyyəti məsələlərinin müzakirə ediləcəyi gözlənilir. Bundan əlavə, beynəlxalq və regional təhlükəsizlik və stabillik məsələləri, GUAM-a üzv ölkələrin beynəlxalq təşkilatlar, ilk növbədə isə BMT və ATƏT çərçivəsində qarşılıqlı fəaliyyətləri, həmçinin GUAM-ın digər beynəlxalq təşkilatlar və dövlətlərlə əməkdaşlığının inkişafı məsələsi müzakirə ediləcək.

GUAM formatı 1999-cu ildə Avropa İttifaqının dövlət başçılarının Strasburq görüşü ərəfəsində yaradılıb. 1999-cu ildə bu formata Özbəkistan da daxil olsa da, dörd ildən sonra onu tərk edib. 2006-cı ildə Kiyevdə formatın ilk sammiti zamanı GUAM-ın beynəlxalq təşkilat və "Demokratiya və İqtisadi İnkişaf Naminə Təşkilat - GUAM" kimi yeni adı haqqında qərar qəbul olunub.

Xəbər lenti

Xəbər lenti