Azərbaycan, Bakı, 25 fevral/ " müxbir İ.Əlizadə/ Avropa Parlamenti və Qara Dəniz İqtisadi Əməkdaşlıq Təşkilatı Parlament Məclisi (QDİƏTPM) əməkdaşlığının genişləndirilməsi məsələsi İstanbulda müzakirə olunacaq. Bu barədə bazar ertəsi Trend a açıqlamasında Azərbaycanın QDİƏTPM-dəki nümayəndə heyətinin rəhbəri, deputat Asəf Hacıyev məlumat verib.
Onun sözlərinə görə, fevralın 26-27-də İstanbulda Qara Dəniz İqtisadi Əməkdaşlıq Təşkilatı Parlament Məclisinin yaradılmasının 15 illiyinə həsr olunmuş yubiley tədbirləri keçiriləcək.
Təşkilatın Bürosunun xüsusi iclası da keçiriləcək. İclasda Parlament Məclisinin yaradılmasının ildönümü barədə Bəyannamə qəbul ediləcək.
Qara Dəniz İqtisadi Əməkdaşlıq Təşkilatı Parlament Məclisində 12 ölkə təmsil olunur.
