Azərbaycan, Bakı, 04 mart / " müxbir A.Qasımova/ Rusiyanın yüksək səviyyəli parlamentarisi Mixail Marqelov hesab edir ki, BMT Təhlükəsizlik Şurasının İrana qarşı sanksiyaları sərtləşdirməsi, ilk növbədə, onun MAQATE ilə kifayət qədər əməkdaşlıq etməməsi ilə izah olunur.
Bir gün əvvəl BMT TŞ uranın zənginləşdirilməsi üçün moratoriumun tətbiq edilməsindən imtinaya görə, İran üzrə üçüncü Qətnamənin (1803saylı) qəbul olunmasına səs verib. İrana qarşı sanksiyanın sərtləşdirilməsini nəzərdə tutan qərar Anom Enerjisi üzrə Beynəlxalq Agentliyin (MAQATE) son məruzəsinin İranın nüvə proqramının birmənalı olaraq sülh xərakterli olmasını təsdiq etməməsi ilə əlaqədar qəbul oluunub.
" "Altılıq"ın tərkibinə daxil olan Rusiya Avropa İttifaqı ilə İran arasında nüvə proqramı üzrə yeni danışıqların aparılması mövqeyindən çıxış edib" - deyə Trend a çərşənbə axşamı elektron poçt ilə RF-nın Federasiya Şurasının Beynəlxalq İşlər üzrə Komitəsinin sədri Margelov bildirib.
Onun sözlərinə görə, TŞ ölkələrinin "altılıq"ı İranın uranın zənginləşdirilməsi üzrə fəaliyyətini dayandıracağı təqdirdə ona iqtisadi yardımı genişləndirməyə hazırdır. "Rusiya nüvəli İranda marqlı deyil, çünki potensial olaraq nüvə silahı istehsal etməyə qadir olan qonşu ölkələr onun nümunəsində bundan dərhal istifadə edə bilər. Nüvə silahı daşıyan ölkələrin sayının arması həmçinin onun tətbiqi ehtimallarını da artırır" - deyə Margelov bildirib.
Parlamentari əlavə edib ki, nüvə silahının yayılmaması üzrə rejimin zəifləməsi barədə bu gün söylənilən fikirlər ədalətlidir.
"ABŞ tərəfindən aparılan real siyasətdəki "narahat" şəraitdə böyük və kiçik dövlətlər öz hərbi arsenalını yeniləşdirir və artırırlar. Nüvə klubuna isə, dəvət olunmamış yeni üzvlər daxil olmaq istəyirlər. Kosovonun müstəqlliyi ilə bağlı insident hökuməti beynəlxalq hüquqa zidd olaraq, müdafiə-hücum sahəsində öz vəzifələrini məxfi şəkildə həll etməyə vadar edir" - deyə Margelov bildirib.
RF XİN çərşənbə axşamı bəyanatla çıxış edib. Bəyanatda deyilir ki, İranın nüvə proqramı üzrə Qətnamə Tehrana BMT TŞ ilə əməkdaşlıq etmək və MAQATE Şurasının qərarlarını yerinə yetirməyə dair ciddi siyasi siqnaldır.
MAQATE fevralın 22-də bildirib ki, İranın nüvə proqramının artan şəffaflığına baxmayaraq, hələ də onun sülh xarakteri daşımasına dair sübut təqdim olunmayıb. Agentlik İranın uranın zənginləşdirilməsi və atom bombasının yaradılmasını sürətləndirə biləcək yeni sentrifuqların sınağını keçirməsinə dair məlumatı təsdiq edib.
