Azərbaycan, Bakı, 06 mart / Trend , müxbir K.Ramazanova/ Gürcüstan, Azərbaycan və Ermənistan Əfqanıstandan Avropaya narkotik vasitələr daşıyan qaçaqmaçılığılı marşrutlarından biri olub.
"Komitə Azərbaycan, Ermənistan və Gürcüstanın İran, Rusiya Federasiyası və Türkiyə ilə sərhədlərinin uzunluğunu və onların Qara və Xəzər dənizlərinə çıxışını nəzərə alaraq, Cənubi Qafqaz ölkələrində narkotik vasitələrin qanunsuz dövriyyəsi və nakomaniya problemlərinin gələcəkdə kəskinləşməsi mümkünlüyü ilə əlaqədar narahat olmaqda davam edir", - deyə Narkotiklər üzrə nəzarət üzrə Beynəlxalq Komitənin Vyanada açıqlanan illik məruzəsində bildirilir.
Məruzə müəllifləri Azərbaycan, Gürcüstan və Ermənistanın informasiya mübadləsinə böyük diqqət ayırmayacağı, sərhəd nəzarətinin effektivliynin artırılmayacağı, regional və milli səviyyədə narkotik vasitələr üzərində nəzarət üzrə tədbirlərin koordinasiyalarının artırılmayacağı təqdirdə, bu ölkələrdə narkomaniya probleminin kəskinləşəcəyni proqnozlaşdırırlar.
Məruzəyə əsasən, ötən il ərzində Əfqanıstanda tiryək istehsalı 34 faiz artıb. Bu gün qanunsuz tiryək bazarının dünya üzrə həcminin 93 fazi Əfqanıstanın payına düşür. Məruzə müəllifləri tiryək istehsalı miqyasının genişlənməsini "böyük həyəcan təbili" adlandırırlar.
Onlar Əfqanıstanda tiryək istehsalının genişlənməsini İran, Pakistan və Mərkəzi Asiya ölkələrində mütəşəkkil cinayətkarlıq, korrupsiya və narkomaniyanın artması ilə əlaqələndiriblər. Bu gün dünyada tiryəkdən ən yüksək səviyyədə sui-istifadə İranda qeydə alınıb. BMT-nin məlumatlarına görə, bütün Mərkəzi Asiya ölkələrində narkomaniyanın miqyasının genişlənməsi və tiryəkdən sui-istifadədən heroindən sui-istifadəyə keçilməsi qeydə alınıb. Bundan əlavə, bu regionda inyeksiya narkomanlarının sayının artımı müşahidə olunur ki, bu da HİV-ə yoluxma hallarınn artması ilə nəticələnir. Mərkəzi Asiyada rəsmi olaraq qeydə alınan HİV/SPİD-ə yoluxma hallarının sayı bir il ərzində 30 faiz artıb. Məruzənin açıqlanmasından sonra BMT-nin narkotika və cinayətkarlıq üzrə İdarəsi Əfqanıstan hökumətinə çağırışla çıxış edib. Burada qeyd olunur ki, Kabil ölkədə narkotik vasitələrin qanunsuz dövriyyəsinin qarşısını almaq üçün daha çox səy göstərməlidir. "Narkotika işi lə məşğul olanları bu cinayətkar biznesdən əl çəkməyə vadar etmək lazımdır" - deyə narkotika və cinayətkarlıq üzrə İdarənin müraciətində qeyd olunur.