Bakı. Trend:
Avropa Komissiyası Rusiya vətəndaşlarının vizalarının məhdudlaşdırılması üzrə yeni tədbirləri nəzərdən keçirdiyini açıqlayıb.
Trend bu barədə xarici KİV-ə istinadən xəbər verir.
Məlumatda bildirilir ki, bu çərçivədə, Rusiyadan gələn qısamüddətli səfərlər üçün vizaların şərtləri sərtləşdirilə bilər, vizaların növləri, icazə müddətləri və giriş-çıxış qaydaları yenidən hazırlanır.
Komissiyanın saytındakı məlumatlara görə, artıq 2022-ci ildə Rusiyaya vizaların asanlaşdırılması üzrə razılaşma tamamilə dayandırılıb və bu qərar Rusiya vətəndaşları üçün vizaların alınmasını daha çətin və bahalı edib.