Azərbaycan, Bakı, 15 mart / Trend , müxbir E.Hüseynli/ Ermənistan Silahlı Qüvvələrinin bölmələri martın 14-də saat 08.50\-dən 09.00-dək və saat 22.40-dan 23.00-dək Füzuli rayonunun ərazisindəki adsız yüksəkliklərdə və Qərvənd kəndinin yaxınlığında yerləşən mövqelərdən, saat 21.00-dan 21.30-dək Xocavənd rayonunun Kuropatkino kəndinin yaxınlığında yerləşən mövqelərdən, saat 22.15-dən 22.25-dək Tərtər rayonunun Göyarx kəndinin yaxınlığında yerləşən mövqelərdən, saat 22.45-dən 23.00-dək Jəbrayıl rayonunun Mehdili kəndinin yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Bu barədə Azərbaycan Respublikasının Müdafiə Nazirliyinin mətbuat xidmətindən məlumat verilib.
Bütün hallarda cavab atəşilə düşmən susdurulub.
İtki yoxdur.