Azərbaycan, Bakı, 01 may/ Trend , müxbir İ.Xəlilova/ Joint Leasing Company lizinq şirkəti 2008-ci ilin sonunadək öz portfelini 80-85 mln. manatadək artırmağı planlaşdırır. Bu barədə cümə axşamı Azərbaycan Beynəlxalq Bankı (ABB) İdarə Heyətinin sədr müavini Vaqif Əkbərov məlumat verib. Şirkətin lizinq portfeli bu gün təqribən 60 mln. manat qiymətləndirilir və iqtisadiyyatın, demək olar ki, bütün sahələri üzrə diversifikasiya edilib.
Onun sözlərinə görə, son zamanlar müraciətlərin sayı artıb və şirkətin planları qabaqlamaqla yerinə yetirilir. Əvvəllər olduğu kimi, Joint Leasing Company Beynəlxalq Bankın ehtiyatlarından istifadə edir. Lakin, şirkət kreditlər üçün xarici mənbələrin axtarışına davam edir.
Xarici maliyyələşdirmə mənbələrinin cəlb edilməsi ilə bağlı ləngimələr şirkətin audit hesabatının olmaması ilə bağlıdır. Lakin, 2008-ci ildən etibarən, PricewaterhouseCoopers beynəxalq audit şirkətini cəlb etmək planlaşdırılır.
"Xarici mənbələrə çıxmaq üçün audit hesabatına malik olmaq lazımdır və mümkün qədər bir il üçün yox", - Ələkbərov bildirib.
Şirkətin vəsaitlərin cəlb edilməsi ilə bağlı imkanları 2007-ci ildə Britaniyanın Dolphin Leasing şirkətinin onun səhmdarları sırasına daxil olması ilə artıb.
Joint Leasing Company [əvvəllər AzeriLeasing adlanırdı] bu vaxtadək Azərbaycan Beynəlxalq Bankının 100 faizlik mülkiyyətində olub. Hazırda isə səhmlərin 52,3 faizi Dolphin Leasing şirkətinə məxsusdur.
Şirkətin 60 mln. manata çatan portfeli kapital artırılmadan da potensial xarici ehtiyatların cəlb edilməsi üçün zəmanətdir. Joint Leasing Company, hələ ki, Nizamnamə kapitalının artırılmasına ehtiyac görmür.
Hazırda Joint Leasing Company şirkətinin kapitalı $800 min səviyyəsində formalaşdırılıb.
O, AzeriLeasing kimi ABB tərəfindən təsis edilib və Dolphin-in səhmdarlığa daxil olmasınadək şirkətin Nizamnamə kapitalındakı payı 90 faiz təşkil edib. Qalan 10 faiz ABB-nin "Biznes-rabitə" kommunikasiya şirkətinə məxsusdur.
Mayın 1- ə olan rəsmi məzənnə 0,828 AZN/USD
Müəlliflə əlaqə saxlamaq üçün elektron ünvan: [email protected]
