Azərbaycan, Bakı, 05 may / Trend , müxbir C.Babayeva/ Qarabağ Azadlıq Təşkilatının İmişli şöbəsi bazar ertəsi rayonun Şəhidlər Xiyabanı ərazisində qanunsuz tikinti işlərinin dayandırılması tələbi ilə etiraz aksiyası keçirib. Bu barədə Trend -a QAT-dan məlumat verilib.
Məlumata əsasən, İmişlidə rayon İcra Hakimiyyəti başçısının sərəncamı ilə Şəhidlər Xiyabanının divarları sökülüb, Əmək və Əhalinin Sosial Müdafiəsi Nazirliyi üçün inzibati binanın tikintisinə başlanılıb.
Yarım saat davam edən aksiya polisin müdaxiləsi nəticəsində dağıdılıb, QAT-ın İmişli şöbəsinin sədri Rəfael Aslanovla yanaşı, QAT-ın 3 fəalı da həbs edilib, 2 saatdan sonra sərbəst buraxılıblar. Aksiyanın sonunda "Şəhidlər Xiyabanı ərazisində qeyri-qanuni tikinti dayandırılsın" tələbi ilə bəyanat qəbul olunub.
QAT tələbləri yerinə yetirilməyincə aksiyanı davam etdirəcəyini bəyan edib.
Məqalə müəllifi ilə əlaqə saxlamaq üçün ünvan - trend
