Azərbaycan, Bakı, 13 may/ Trend , müxbir R.Ağayev, E.Rüstəmov, D.Novosvitski/ Moskva MDB işləri üzrə ixstisaslaşmış Agentlik yaradaraq və post-sovet regionunu özünün təsir zonası hesab edərək, problemli qarşılıqlı əlaqə məsələlərini daha operativ həll edəcək və bununla da itirilmiş mövqelərini bərpa edəcək. Ekspertlər belə hesab edirlər.
"Agentliyin yaradılması ilə bu respublikalarla əlaqələr yaratmaq və onları inkişaf etdirmək daha asan olacaq. MDB daxilində qarşılıqlı əlaqələrlə bağlı problemləri həll etməyə imkan verəcək Agentliyin yaradılması yalnız yaxşılığa doğru olacaq", - Rusiyanın MDB ölkələri institutu Qafqaz şöbəsinin rəhbəri Mixail Aleksandrov hesab edir.
Bazar ertəsi Rusiyada, RF XİN-in idarəsi yanında MDB işləri üzrə yeni Agentliyin yaradılması elan edilib. Rusiya KİV hər hansı təfərrüatı açıqlamır, lakin qeyd edirlər ki, bu yenilik Rusiyanın yeni prezidenti Dmitri Medvedyevin vəzifəsinin icrasına başlaması, Baş nazir Vladimir Putinin başçılığı ilə yeni Rusiya hökumətinin strukturu və tərkibinin formalaşdırılması ilə bağlıdır.
Aleksandrovun sözlərinə görə, indiyədək MDB ölkələri ilə qarşılıqlı əlaqə məsələləri XİN-in üzərinə qoyulub. XİN, iş həcmi çox olduğundan, "ümumsiyasi məsələləri nəzərdən keçirdiyindən, sadəcə, çatdıra bilmir". "Vətəndaşların, yüklərin hərəkəti ilə bağlı gündəlik, məişət, texniki məsələlərin, MDB ölkələri ərazisində insan hüquqları problemlərinin həlli üçün XİN- in əli çatmır. Bununla əlaqədar, böyük Agentliyin yaradılması MDB problemlərinin daha effektli həllinə yardım edəcək", - politoloq Aleksandrov çərşənbə axşamı Trend -a bildirib.
Ukraynalı politoloq Aleksandr Pali hesab edir ki, MDB işləri üzrə ayırca Agentlik yaradan Rusiya onları öz təsir zonası hesab edərək, bu ölkələrdə mövqelərini bərpa etməyə çalışır. "MDB ilə iş üzrə belə bölmələr faktiki olaraq, Rusiya Federasiyasının hər bir mərkəzi idarəsində yaradılıb. Lakin, görünür, belə səviyyə qarşıya qoyulmuş vəzifələrə nail olmaq üçün kifayət hesab edilmir", - Ukrayna XİN nəzdində Diplomatiya Akademiyasının xarici siyasət institutunun eksperti Pali çərşənbə axşamı Trend -a bildirib.
"Belə Agentliyi yaradan Rusiya siyasi, iqtisadi, mədəni və hətta hərbi seqmentdə MDB -yə üzv ölkələrə öz təsirini artırmağa çalışacaq", - ekspert əmindir.
Gürcüstanlı politoloq David Darçiaşvilinin rəyinə görə, yeni yaradılmış Agentlik reallıqda deyil, yalnız kağız üzərində işləyəcək. "MDB üzrə Rusiyaya tabe hər hansı bir Agentliyin yaradılması ilə xüsusi heç bir şey baş verməyəcək. Rusiyadakı aparıcı siyasi düşüncə XIX əsr dünyagörüşündən uzaqlaşmayıb və hazırki zamana heç bir aidiyyatı yoxdur. O, müstəqil dövlətlərin arzularına adekvat deyil", - ölkədəki hakim "Vahid Milli Hərəkat" partiyasının seçki siyahısından deputatlığa namizəd David Darçiaşvili çərşənbə axşamı Trend -a bildirib.
Hər bir ölkənin Rusiya maraqları ilə üst-üstə düşməyən şəxsi maraqları var. "Açıq Cəmiyyət - Gürcüstan" (Soros Fondu) İnstitutunun keçmiş icraçı direktoru David Darçiaşvili belə hesab edir. "Çox da MDB-də hansısa Agentliklər yaradılacaq. Kimsə bu Agentliklə əməkdaşlıq etmək istəyirsə, qoy etsin", - o bildirib.
