Azərbaycan, Bakı, 16 may / Trend , müxbir E.Babayev / İqtidaryönlü Demokratik Azərbaycan Dünyası Partiyası (DADP) prezident seçkisində öz namizədi ilə iştirak etmək fikrindən daşınıb. "Hazırda partiyada birmənalı rəy ondan ibarətdir ki, seçkidə hazırki dövlət başçısı İlham Əliyevin namizədliyi irəli sürülsün", deyə cümə günü Trend ə DADP sədri Məmməd Əlizadə deyib.
Azərbaycanda prezident seçkiləri oktyabrın 15-də keçiriləcək. Müxalifətdən ADP sədri Sərdar Cəlaloğlunun, Müsavat başqanı İsa Qəmbərin, Yaşıllar Partiyasının sədri Mais Güləliyevin namizədliyi təmsil olunduqları təşkilatlar tərəfindən irəli sürülüb. Politoloq Eldar Namazov isə müstəqil şəkildə iştirak edəcəytini açıqlayıb. Hakim Yeni Azərbaycan Partiyası isə hazırki dövlət başçısı İlham Əliyevin namizədliyini yaxın aylarda keçirilməsi gözlənilən qurultayında irəli sürmək niyyətindədir.
Əlizadə bildirib ki, partiyada onun öznünün namizəd olmasını istəyənlər olub. "Lakin hazırda demək olar ki, partiya üzvlərinin hamısı cənab prezidentin namizədliyi üzərində dayanıb", deyən Əlizadə onu da vurğlulayıb ki, DADP-ın ikinci iqtidar partiyasına çevrilmək istiqamətində iş aparması və seçkidə öz namizədi ilə sıxış etmək qərarı verməsi barədə məlumatlar doğru deyil.
DADP Əlizadə tərəfindən formalaşıb. Partiya iqtidaryönlü təşkilatların Məşvərət Məclisində təmsil olunur.
Məqalə müəllifi ilə əlaqə saxlamaq üçün ünvan - [email protected]
