Azərbaycan, Bakı, 20 may/ Trend , müxbir M.Əliyev/ Dağlıq Qarabağ münaqişəsinin nizamlanması üzrə ATƏT-in Minsk Qrupunun rusiyalı həmsədri hesab edir ki, Dağlıq Qarabağın danışıqlar prosesində iştirakından danışmaq hələ tezdir.
"Münaqişənin nizamlanmasına dair baza prinsipləri təqdir edildikdən sonra, region iştirakçılarına Dağlıq Qarabağa dair razılaşmaların hazırlanmasında iştirak etmələrinə heç bir şey mane ola bilməz", - rusiyalı həmsədr Yuri Merzlyakov çərşənbə axşamı Moskvadan telefonla Trend -a bildirib.
"Dağlıq Qarabağ münaqişəsinin dinc yolla nizamlanması üzrə Azərbaycanla danışıqlarda müstəqil şəkildə iştirak etməlidir", - dırnaqarası Dağlıq Qarabağ Respublikasının prezidenti Bako Saakyan "Vedomosti"yə bildirib. "Münaqişənin əsas tərəfi var - bu ,digər əcnəbi dövlətlərin malik olduqları prioritetlərə malik müstəqil Dağlıq Qarabağ Respublikasıdır", Saakyan söyləyib.
Rəsmi Bakı Qarabağın erməni icması ilə danışıqlar aparmaqdan imtina edir.
"Dağlıq Qarabağ münaqişəsinin nizamlanmasına dair danışıqlar lap əvvəldən Dağlıq Qarabağa hansısa görüntü yaratmaq üçün "təyin edilənlərlə" deyil, təcavüzkar dövlət kimi, Ermənistanla aparılıb", - Azərbaycan XİN mətbuat katibi Xəzər İbrahim əvvəllər bazar ertəsi Trend -a bildirib.
Mayda Azərbaycan XİN rəhbəri Elmar Məmmədyarovun Ermənistanın yeni xarici işlər naziri Artur Nalbandyanla görüşü baş tutub. Bundan sonra dövlət başçılarının görüşünün mümkünlüyü haqqında bəyanat verilib.
İyunun 6-da Sankt Peterburqda - MDB dövlətlərinin qeyri-formal sammiti çərçivəsində, Azərbaycan prezidenti İlham Əliyevin Ermənistanın yeni prezidenti Serj Sərkisyanla görüşü planlaşdırılıb.
Merzlyakov qeyd edib ki, Ermənistanın yeni prezidenti Dağlıq Qarabağ ətrafında prosesin necə getdiyi barədə yaxşı məlumatlandırılıb. "Düşünürəm ki, hər iki tərəf konstruktivlik nümayiş etdirdikləri və münaqişənin nizamlanmasının baza prinsiplərini müzakirə etməyə hazır olduqları halda, bu görüş çox işgüzar olacaq", - o bildirib.
İki Cənubi Qafqaz ölkəsiarasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki nəticəsiz, sülh danışıqları aparılır.
Müəlliflə əlaqə saxlamaq üçün elektron ünvan [email protected]
