Gürcüstan, Tbilisi, 22 may / " müxbir N.Kirtsxaliya/ Gürcüstanın Leyborist partiyası MSK-nın rəsmi məlumatları Exit-pollun nəticələri (cəmi 7,8 faiz) ilə üst-üstə düşərsə, parlament seçkilərinə məhkəmə yolu ilə etiraz etmək niyyətindədir.
"Exit-pollun göstərciləri MSK-nın rəsmi nəticələrilə üst-astə düşərsə, nəticələrə məhkəmə yoluyla etiraz edəcəyik", - Gürcüstanın müxalif Leyboristlər partiyasının lideri İosif Şatberaşvili Trend -a cümə axşamı məlumat verib.
Gürcüstanda ölkə televiziyalarının sifarişilə dörd qeyri- hökumət təşkilatı tərəfindən keçirilən exit-pollun məlumatları ötən gecə dərc olunub. Exit-pollun məlumatlarına əsasən, iqtidarda olan - "Vahid Milli Hərəkat" partiyası Gürcüstan parlamentinə seçkilərdə qətiyyətlə (63,1 faiz) liderlik edir. "Birləşmiş müxalifət - Milli Şura - Yenilikçilər" bloku 14,2 faiz, Xristian-Demokratik hərəkatı (Qiorqi Tarqamadze) 9,5 faiz, Leyboristlər partiyası - 7,8 faiz səs toplayıblar. MSK-nın ilkin hesablamalarına görə Leyboristlər partiyası hələ ki 6,11 faiz seçici səsi toplayıb.
Leyboristlər partisasının baş katibi Şatberaşvili bildirib ki, partiya parlamentdə elə-belə təmsil olunmaq istəmir. Onun sözlərinə görə, partiya parlamentə daxil olmaq üçün faiz səddini hər zaman keçib, "lakin bizi parlamentə heç vaxt buraxmayıblar".
Müxalifətçinin fikrincə, QHT tərəfindən keçirilən Exit-pollun nəticələrinə dair bu ərəfələrdə dərc olunan məlumatlar "hakimiyyətin sifarişidir". "Onların nəticələrinə görə, beş fazilik səddi keçsək də, biz məlumatlarda qeyd olunduğundan daha çox səs toplamışıq", - Şatberaşvili qeyd edib.
"Biz ölkənin taleyi məsuliyyətini üzərimizə götürməyə hazırıq və parlamentə sanballı güc kimi daxil olmaq istəyirik", - gürcü leyboristlərinin baş katibi əlavə edib.
Exit-poll İlya Çavçavadze adına Dövlət Universiteti, Qafqazın sülh, demokratiya və inkişaf institutu, Gürcüstanın ictimai işlər İnstitutu ("GIPA"), Gürcüstanın strateji və Beynəlxalq Tədqiqatlar Fondu tərəfindən keçirilib.
"Birləşmiş müxalifət - Milli Şura - Yenilikçilər" bloku 14,2 faiz, Xristian-Demokratik Hərəkatı (Qiorqi Tarqamadze) 9,5 faiz, digərləri isə 6 faizdən az səs toplayıblar. Exit-pollun təşkilatçılarından biri- Çavçavadze adına TDU-nun rektoru Qiqi Tevzadze bildirib ki, MSK-nın rəsmi nəticələrini gözləmək lazımdır, lakin "çətin ki onlar exit-pollun nəticələrindən çox fərqlənsin".
