Azərbaycan, Bakı, 29 may/ Trend , müxbir A.Qasımova/ Ukrayna prezidenti bildirib ki, Ukraynanın NATO-ya tamhüquqlu üzvlüyü məsələsi uzaq perspektivdə nəzərdə keçirilir. "NATO-ya qoşulmaq məsələsi Ukrayna tərəfindən bir qədər uzaq perspektivdə nəzərdə keçirilir - bu bir ilin, xüsusən də bir sammitin vəzifəsi deyil", - Ukrayna prezidenti Viktor Yuşşenko cümə axşamı Trend -a müsahibəsində bildirib.
Onun sözlərinə görə, NATO-da üzvlüyə hazırlıq üzrə Fəaliyyət Planına qoşulmaq haqqında daha düzgün danışmaq olar və bu həqiqətən də yaxın sammitlərin birində baş verə bilər.
Yuşşenko hesab edir ki, Ukraynanın NATO-da gələcək üzvlüyünü Moskvanın ağrılı qəbul etməsi əsassızdır. "Məlum olduğu kimi, Rusiya bu məsələyə kifayət qədər ağrılı reaksiya göstərir və bizim fikrimizcə - tamamilə əsassız olaraq. Biz belə yanaşmanı qeyri-konstruktiv və bir qədər irrasional hesab edirik", - prezident bildirib.
Onun sözlərinə görə, Ukrayna Rusiyanın simasında etibarlı tərəfdaş görür və bu dövlətin təhlükəsizlik maraqlarına hansısa bir şəkildə zərər vurmağı qarşısında vəzifə qoymur. "Mən min dəfə təkrar etməkdən yorulmayacağam ki, biz rusiyalı həmkarlarımızı sakitləşdirmək üçün bütün zəruri zəmanətləri verməyə hazırıq. Biz bu məsələ üzr bütün səviyyələrdə genişləndirilmiş məsləhətləşmələrə hazırıq və Rusiyanın qızğın reaksiyanı sakit və konstruktiv danışıqlardan nə üçün üstün tutduğunu anlamırıq. Bizə bunu müzakirə etmək və toqquşma nöqtələrini hazırlamaq lazımdır. Yalnız onu deyə bilərəm ki, belə məsləhətləşmələrin olmadığı üçün, Rusiyanın istənilən arqumentləşdirilməmiş müqaviməti Ukraynanın milli təhlükəsizlik məsələlərində həlledici faktor ola bilməz və heç zaman da olmayacaq", - Yuşşenko bildirib.
Ukrayna lideri ölkənin NATO-ya qoşulmasının mənfi cəhətlərini görmür, müsbət cəhətlər isə onun rəyinə görə, üçün aydındır. "Əvvəla, bu, istənilən xarici təhlükələrdən - real və ya potensial təhlükələrdən güclü qoruyucudur. Tarix göstərir ki, NATO zamanla sınaqdan keçmiş və Avroatlantik məkanda sabitlik və təhlükəsizliyə zəmanət verə bilmiş yeganə kollektiv təhlükəsizlik təşkilatıdır. İkincisi, bu sərmayədarlar üçün güclü siqnaldır ki, bu ölkəyə rahat şəkildə pul yatırmaq olar. Bu gün Ukrayna üçün bu ən çəkili arqumentlərdəndir. Və nəhayət, üçüncüsü - bu ayrı-ayrı regionların və ya ümumilikdə qitənin təhlükəsziliyinə görə məsuliyyəti bizim avropalı tərəfdaşlarımızıla paylaşmaq imkanıdır. Biz heç zaman özümüzü "təhlükəsizlik istehlakçıları" hesab etməmişik və təhlükəsizlik məsələlərinin ən geniş miqyasda həlli üçün təcrübə, birinci növbədə isə, sülhməramlı təcrübəsi təqdim edə bilərik", - Ukrayna prezidenti bildirib.
Yuşşenko bildirib ki, bu gün biz aydın şəkildə Ukraynanın mümkün qədər tezliklə ÜFP-ə, perspektivdə isə, NATO-ya qoşulması üçün həll etməli olduğu birinci növbəli vəzifələri aydın şəkildə anlayırıq. "Mənim şübhəm yoxdur ki, biz bu yolda bütün maneələri uğurla aradan qaldıracağıq. Əminəm ki, Avropanın miqyaslı və presedentiz birləşməsi prosesi, vahid və ayrılmaz təhlükəsizlik və çiçəklənmə məkanının yaradılması yekun nəticə olacaq", - Yuşşenko Trend -a müsahibəsində qeyd edib.
Aprelin əvvəlində NATO-nun Buxarest sammitində Gürcüstan və Ukraynanın Alyansda üzvlük üzrə Fəaliyyət Planına (ÜFP) qoşulmasını dekabradək təxirə salmaq haqqında qərar qəbul edilib. Bununla yanaşı, NATO Baş katibi Yaap de Hoop Sxeffer bildirib ki, Gürcüsan və Ukrayna perspektivdə blokun üzvü olacaqlar.
