Azərbaycan, Bakı, 05 iyun / Trend , müxbir M.Əliyev/ İraqda və Əfqanıstanda azərbaycanlı sülhməramlıların sayının artırılması məsələsi Bakıda keçiriləcək növbəti Azərbaycan-Amerika hərbi məsləhətləşmələri zamanı müzakirə oluna bilər. Bu haqda ABŞ-ın Azərbaycandakı səfirliyinin birinci katibi Conatan Henik cümə axşamı Trend -a bildirib.
"Məsləhətləşmələr zamanı əsasən hərbi sahədə ikitərəfli əməkdaşlığın inkişafı, həmçinin birgə hərbi proqramlar məsələsinə diqqət yetiriləcək", - deyə Henik bildirib.
O, məsləhətləşmələrin dəqiq keçiriləcəyi tarixi bildirməyib. Onun sözlərinə görə, amerikalı hərbi ekspertlərin Azərbaycana gəlişi avqustadək ehtimal olunur.
ABŞ "NATO ilə fərdi tərəfdaşlıq fəaliyyət planı" çərçivəsində Azərbaycanın səylərini dəstəkləyir. Ölkələr arasında hər il hərbi məsləhətləşmələr keçirilir. Məsləhətləşmələrin nəticələrinə əsasən, növbəti dövr üçün iş planı razılaşdırılır.
2007-ci ildə Azərbaycan ordusunu tam şəkildə NATO standartlarına keçirib. Alyansın qüvvələri ilə uyğunlaşmanın təmin edilməsi məqsədilə bir mobil tabor və bir bölmə təsis edilib.
Müəlliflə əlaqə saxlamaq üçün elektron ünvan: [email protected]
