Azərbaycan, Bakı, 03 iyul / Trend , müxbir İ.Əlizadə / Azərbaycanın hakim Yeni Azərbaycan Partiyası (YAP) ilə ABŞ-ın Beynəlxalq Respublikaçılar İnstitutu birgə layihələr həyata keçirəcək. "ABŞ-ın Beynəlxalq Respublikaçılar İnstitutunun YAP-la birgə həyata keçirdiyi layihələr partiya işinin daha da təkmilləşdirilməsində və xüsusilə, gənclərin partiyanın həyatında rolunun artırılmasında mühüm əhəmiyyət daşıyır", - deyə YAP icra katibi Əli Əhmədov cümə axşamı ABŞ-ın Beynəlxalq Respublikaçılar İnstitutunun Bakı ofisinin rəhbəri Ceyk Consla görüşündə bildirib.
Görüşdə Beynəlxalq Respublikaçılar İnstitutu ilə YAP arasında əməkdaşlıq məsələləri müzakirə olunub.
Cons təmsil etdiyi qurumun YAP-la əlaqələrin daha da genişləndirilməsində maraqlı olduğunu deyib.
Trend -un arayışı: YAP 1992-ci ildə o vaxt Naxçıvan Ali Məclisinin sədri olan Heydər Əliyev tərəfindən yaradılıb. Azərbaycanda 15 ildir hakim partiya olan YAP-ın indiki sədri prezident İlham Əliyevdir.
Məqalə müəllifi ilə əlaqə ünvanı: [email protected]