Azərbaycan, Bakı, 08 iyul / Trend , müxbir E.Babayev/ Azərbaycanda həbsdə olan jurnalistlərin əfv olunması üçün yaxın günlərdə prezidentə müraciət olunacaq. Bu barədə çərşənbə axşamı Trend -a Mətbuat Şurasının sədri Əflatun Amaşov məlumat verib.
Trend -un arayışı: Azərbaycanda3 jurnalist həbsdədir. "Gündəlik Azərbaycan" və "Realnıy Azerbaydjan" qəzetlərinin həbsdə olan baş redaktoru Eynulla Fətullayev Cinayət Məcələsinin terrorçuluqla hədələmə (214.1-ci), qulluq mövqeyindən istifadə etməklə milli, irqi, sosial və ya dini düşmənçiliyin salınması (283.2.2-ci) və vergidən yayınma (213.2.2) maddələri ilə təqsirli bilinərək, məhkəmənin hökmü ilə 8 il 6 ay azadlıqdan məhrum edilib.
"Azadlıq" qəzetinin baş redaktoru Qənimət Zahid Cinayət Məcəlləsinin qəsdən sağlamlığa az ağır zərər vurma və xuliqanlıq cinayətlərində təqsirli bilinərək 4 il azadlıqdan məhrum edilib. "Azadlıq"ın əməkdaşı Mirzə Sakit də həbsdədir.
Onun sözlərinə görə, Azərbaycanda 22 iyul Milli Mətbuatın yaranması günü ilə bağlı jurnalistlərin əfvinə dair müraciət artıq hazırdır.
"Biz inanırıq ki, ölkə başçısı jurnalistlərin azadlığa çıxmasına yardımçı olacaq, onları əfv edəcək", - Amaşov bildirib.
Məqalə müəllifi ilə əlaqə ünvanı: [email protected]
