Azərbaycan, Bakı, 15 iyul/ Trend , müxbir E.Babayev/ Azərbaycanın Bakı Apellyasiya Məhkəməsi müxalif Milli İstiqlal Partiyasının (AMİP) Bakı Şəhər İcra Hakimiyyətinə qarşı iddiasını təmin edib. "Apellyasiya Məhkəməsinin bu gün çıxardığı qərarda BŞİH-nin qərarı əsassız sayılıb və bizim şikayətimiz təmin olunub", bunu çərşənbə axşamı Trend -a məhkəmə iclasından sonra AMİP sədrinin müavini Əli Orucov deyib.
Trend -un arayışı: AMİP 2007-ci ildə BŞİH-nin sərbəst toplaşma hüququnu pozduğunu iddia edərək, məhkəməyə müraciət edib. Partiya hesab edir ki, BŞİH-nin AMİP-in aksiya keçirilməsi ilə bağlı müraciətlərinə mənfi cavab verməsi qanunsuzdur.
Orucov xatırladıb ki, ötən ilin 22 oktyabrında Səbail rayon məhkəməsi AMİP-in iddiasını təmin etməmişdi. Bundan sonra AMİP Bakı Apellyasiya Məhkəməsinə müraciət etmişdi, amma yenə də partiyanın iddiası əsassız sayılmışdı və birinci instansiya məhkəməsinin qərarı qüvvəsində saxlanılmışdı. "Biz yenidən Ali Məhkəməyə kassasiya şikayət vermişdik. Bil ilin aprelində Ali Məhkəmə işə yenidən baxılması üçün Apellyasiya Məhkəməsinə göndərib. Bakı Apellyasiya Məhkəməsinin bu günkü iclasında bizim iddiamız təmin olunub və işə yenidən Səbail rayon məhkəməsində baxılacaq", - deyə o bildirib.
AMİP 1992-ci ildə yaradılan və Azərbaycanda ilk dövlət qeydiyyatına alınan partiyadır. Müxalifəti təmsil edən AMİP-in qurucusu və 2004-cü ilin sonunadək sədri olan Etibar Məmmədov hazırda Beynəlxalq Demokrat İttifaqının (BDİ) sədr müavinidir.
Məqalə müəllifi ilə əlaqə ünvanı: [email protected]
