Azərbaycan, Bakı, 23 iyul/ Trend , müxbir E.Tariverdiyeva/Srebrenitsada etnik təmizləmələr zamanı müsəlmanların kütləvi öldürülməsində təqsirləndirilən Serbiyanın keçmiş prezidenti Radovan Karaciç Haaqa Tribunalında onun sələfi Slabodan Miloşeviçin deyə bilmədiyini söyləyəcək, - "Srebrenitsa Anaları"təşkilatının rəsmi vəkili Frensis Boyl hesab edir.
Miloşeviç törətdiyi bütün cinayətlərə görə məhkəməyə verildi və müşahidəçilər onun Qərb "vasitəçiləri"ilə əməkdaşlığı haqqında öyrənmək imkanını gözləyirdilər. Lakin Miloşeviç tezliklə həbsxanada ürək çatışmazlığından vəfat etdi.
"İndi Karaciçlə bizə ikinci imkan verilib", - Bosniya prezidenti Aliya İzetbeqoviçin və xarici işlər naziri Haris Silayciçin keçmiş rəsmi hüquqi müşaviri, Beynəlxalq Məhkəmədə Bosniya hökumətinin nümayəndəsi Boyl deyib.
Serbiya respublikasının keçmiş prezidenti Radovan Karaciç bazar ertəsi həbs olunub və növbəti gün məhkəmə onun keçmiş Yuqoslaviya üzrə Beynəlxalq Tribunala verilməsinə order verib.Onun gəlişinə hazırdırlar: BMT-nin Haaqa həbsxanasında Karaciç üçün kamera ayrılıb.
Keçmiş Yuqoslaviya üzrə Beynəlxalq Tribunalın baş prokurorunun nümayəndəsi Olqa Kavran bildirib ki, tribunal 13 il ərzində Karaciçin həbsinə dair BMT tribunalından gizlənən orderi, 1995-ci ildə verib."İndi Baş prokurorun ofisi Karaciçin BMT-nin Haaqa həbsxanasına mümkün qədər tez çatdırılmasını gözləyir", - o deyib.
1995-ci ilin yayında keçmiş Yuqoslaviyanın Bosniya və Hersoqovinya respublikasında vətəndaş müharibəsi zamanı Mərkəzi Bosniyada Srebrenitsa şəhəri Bosniya serbləri ordusunun nəzarəti altına keçdi. Bundan sonra işğal olunmuş şəhərdə etnik təmizləmə başlandı. Nəticədə, 8 mindən çox Bosniya müsəlmanı qətlə yetirildi. Haaqanın keçmiş Yuqoslaviya üzrə Beynəlxalq Tribunalı Srebrenitsada törədilən qırğında Bosniya serblərinin o vaxtkı lideri Karaciçi təqsirləndirdi.
Amerika hüquq müdafiəçisi Boyl hesab edir ki, indi Karaciç Qərb "vasitəçilərinin"bosniyalilarin dəhşətli etnik təmizlənməsində ona necə kömək etmələrindən danışa bilər. Bunlar Sayrus Vens, Devid Ouen, Torvald Stoltenberq, Riçard Holbruk, Karl Bildt, Yasusi Akasi, Butros Bytros-Qali, Koffi Annan və başqalarıdır.
"Mən bu hərbi cinayətlərin araşdırılmasını diqqətlə izləyəcəyəm. Çünki yeni məlumatı bu adamlara qarşı "Srebrenitsa Anaları" təşkilatı adından istifadə edəcəyəm", - çərşənbə günü Trend -a elektron poçtu ilə Boyl bildirib.
"Serebrenitsa Anaları"təşkilatının vəzifəsi 10000 min nəfərin itkin düşməsini və 1995-ci il iyulun 11-də Bosniya və Hersoqovinyanın ərazisində Srebrenitsada Bosniya serblərinin Avropada törətdikləri ən böyük qətliamın işinin araşdırılmasıdır.
Boylun sözlərinə görə, Karaciçə qarşı ayrı-ayrılıqda iki ittiham var. Birincisi, onun Bosniyada törətdiyi cinayətlərə görə, ikincisi, 1995-ci ilin iyulunda Srebrenitsada törətdiyi kütləvi qırğına görə, - vəkil hesab edir.
Boyl əmindir ki, Karaciç məhkəmənin ədalətli araşdırılması və özünü müdafiə etmək hüququnu alacaq. "O, özünü müdafiə edərkən, özünü təqsirsiz göstərmək və keçmişdə etdiyi əməllərə görə bəraət qazanmaq üçün bu cinayətlərdə onunla əlbir olan Qərb "vasitəçilərinin" iştirakı barədə dəlillər gətirməyə cəhd edəcək Lakin bu faktlar nə onun şəxsən günahınaa, nə də günahsızlığına bəraət qazandırmamalıdır", - Boyl deyib.
Vəkil əmindir ki, o, bütün yeni məlumatları təşkilat adından Qərb "vasitəçilərinə"və diplomatlara qarşı istifadə edə biləcək. Karaciç ömrünün sonunu həbsxanada keçirəcək, - Boyl hesab edir.
Boyl keçmiş Yuqoslaviya
üzrə Beynəlxalq Tribunalın keçmiş prokuroru
Karla del Ponteni tribunalda Miloşeviçi Serebrenitsadakı bütün
cinayətləri, o cümlədən kütləvi
qırğınları və genosidi törətməkdə təqsirləndirməyə
inandıra bilənlərdən biridir.
Vəkil hesab edir ki, Qərb üçün Karaciçin
həbsi əvvəllər mümkün idi, lakin arzuolunan
deyildi.
Onun sözlərinə görə, 1993-cü ildə Cenevrədə sülh konfransının gedişində prezident İzetbeqoviç Karaciçin əlini sıxıb. Hətta Bosniya serblərinin lideri ABŞ vizasını alaraq, Nyu-Yorka Vans-Ouen konfransına gəldi. Boyl hesab edir ki, Dövlət Departamenti Karaciçi həbs etməli idi. Onun sözlərinə görə, Karaciç Nyu-Yorka gəldiyi təqdirdə, ABŞ-ın onu həbs etmək və təhqiqata başlamaq üçün öhdəçiliyi var idi. Lakin onlar, əksinə, ona viza və mühafizə verdilər. "Onlar hərbi cinayətkarları, genosid törədənləri müadfiə edirdilər. Bax, belə böyük dövlətlər", - Boyl dedi.
Keçmiş Yuqoslaviya üzrə Beynəlxalq Tribunalı 1993-cü ildə Birləşmiş Millətlər Təşkilatı yaradıb. O, Hollandiyanın Haaqa şəhərində yerləşir və buna görə də onu Haaqa məhkməsi adlandırırlar. Onu 90-cı illərin ortalarında Balkan münaqişəsi zamanı törədilmiş hərbi cinayətləri aşkara çıxarmaq üçün yaradııblar.
1994-cü ildən bəri, Haaqa məhkəməsinədən 160-dan çox, istər sıravi əsgər, istərsə də general keçiblər. Onların əksəriyyəti serb və xorvat olub.
"Haris Silayciçin dediyi kimi, "əgər siz bir adamı öldürürsünüzsə, onda məhkəməliksiniz, on adamı öldürürsünüzsə, siz məşhursunuz, yox, əgər siz dörddə bir milyon adamı öldürürsünüzsə, onda siz sülh konfransına dəvət alırsınız", - Boyl qeyd edib.
