Əfqanıstan, Kabil, 26 avqust / Trend / A. Həkimi / Əfqanıstanın Daxili İşlər Nazirlyinin Narkotiklərlə Mübarizə İdarəsinin əməkdaşları ölkənin cənubunda 1300 kiloqram tiryək aşkarlayaraq, müsadirə ediblər.
Narkotiklərlə mübarizə İdarəsinin əməkdaşları Helmənd vilayətinin Marhe şəhərində qaçaqmalçı qrupunu zərərsizləşdiriblər. Əməliyyat zamanı qaçaqmalçılardan üç nəfəri həbs edilib.
Helmənd Vilayəti dünyada tiryək istehsal edən ən böyük regiondur. Ötən illin statistikasına əsasən, dünyanın tiryək istehsalının 93 faizi bu regiona məxsusdur. Əfqanıstanda 2007-ci ildə 9920 ton tiryək istehsal olunub.
Rəsmi statistikaya görə, Əfqanıstanda narkotik satışından əldə olunan gəlirin böyük hissəsi Talibana və qaçaqmalçılara məxsusdur.
Müəlliflə əlaqə saxlamaq üçün elektron ünvan [email protected]