...

Azərbaycan parlamenti əhalinin sağlamlığını təmin edən qanun layihəsi hazırlayır

Siyasət Materials 10 Sentyabr 2008 15:27

Trend-i buradan izləyin

Azərbaycan, Bakı, 10 sentyabr / Trend , müxbir İ.Əlizadə/ Azərbaycan parlamentinin Sosial-siyasət komissiyası əhalinin sağlamlığını təmin edən qanun layihəsi hazırlayır.

"Yeni qanun layihəsi "Reproduktiv sağlamlıq haqqında" adlanır və böyük əhəmiyyətə malikdir", - çərşənbə günü Trend -a Sosial siyasət komissiyasının sədri Hadı Rəcəbli bildirib. O qeyd edib ki, qanun layihəsi hamilə qadınlara, uşaqlara dövlət qayğısını artırmalıdır.

"Bizə xəstə uşaqlar lazım deyil, ona görə də əhalinin sağlamlığının təmin edilməsi ən vacib məsələlərdən biridir, qanunu hazırlamaqla bunun hüququ bazasını yaratmaq istəyirik", - Rəcəbli əlavə edib.

Komissiya sədri vurğulayıb ki, rayonlarda qadınların sağlamlığı ilə bağlı vəziyyət çox pisdir. Qadınların böyük əksəriyyəti müxtəlif xəstəliklərdən əziyyət çəkirlər. Eyni zamanda, sosial vəziyyətin pisliyi də qadınların sağlamlığına böyük zərbə vurur.

Rəcəblinin sözlərinə görə, Azərbaycanda uşaqların əksəriyyəti ev şəraitində doğulur, çünki ailələrin xəstəxanaya getmək imkanları yoxdur.

"Rusiyada analıq kapitalı fondu yaradıblar. Həmin fonda pul köçürülür və hamilə ana uşaq dünyaya gətirəndə həmin puldan xəstəxanaya gedəndə istifadə edir. Azərbaycanda da belə bir fond yaradıla bilər", - Rəcəbli bildirib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti