Azərbaycan, Bakı, 18 sentyabr/ Trend , müxbir İ.İbrahimov/ Qara dəniz İqtisadi Əməkdaşlıq Təşkilatına (QİƏT) üzv ölkələrin xarici işlər nazirləri Nyu -Yorkda təşkilatın səmərəliliyinin möhkəmlənməsini qeyri - rəsmi şəkildə müzakirə edəcəklər.
Görüş Qara dəniz regionu ölkələri xarici işlər nazirlərinin BMT Baş Assambleyasının 63 - cü sessiyası çərçivəsində, sentyabrın 25 - nə təyin edilib,- təşkilatın İstanbuldakı daimi beynəlxalq katibliyindən Trend -a bildiriblər. Nazirlərin regionun problemlərini müzakirə edəcəkləri gözlənilir.
Görüş, hazırda QİƏT-ə sədrlik edən Albaniyanın xarici işlər naziri Lulzim Başın sədrliyi ilə keçiriləcək.
QİƏT 1992 - ci il iyunun 25 - də, Qara dəniz regionu ölkələri arasında siyasi və iqtisadi qarşılıqlı münasibətlərin inkişafı, sülhün və regionda sabitliyin bərqərar edilməsi məqsədilə yaradılıb. Təşkilatın üzvləri aşağıdakılardır: Azərbaycan, Albaniya, Ermənistan, Bolqarıstan, Yunanıstan, Gürcüstan, Moldova, Rusiya, Rumıniya, Serbiya, Türkiyə və Ukrayna.
Müəlliflə əlaqə saxlamaq üçün elektron ünvan: - [email protected]