Gürcüstan, Tbilisi, 19 sentyabr / Trend , müxbir N.Kirtsxaliya/ Parlament müxalifəti Gürcüstanda şeriflik institutunun tətbiq edilməsi təşəbbüsü ilə çıxış edir.
"Güclü Gürcüstan - Xristian-demokratlar" fraksiyasının sədri Qiya Tortladze hesab edir ki, bu institut ABŞ-da kifayət qədər müvəffəqiyyətlə işləyir. "Ən əsası odur ki, şerifləri təyin etmirlər, onları seçirlər, ona görə də polislərin fəaliyyəti əhalinin verdiyi qiymətdən xeyli asılı olur", - o deyib.
Tortladzenin fikrincə, Gürcüstanda əhalinin tələblərinə daha məsuliyyətlə yanaşmaq üçün şəhər merləri də vətəndaşlar tərəfindən seçilməlidirlər.