Azərbaycan, Bakı, 15 oktyabr/ Trend , müxbir N.Abdullayeva/Azərbaycan prezidenti seçkisi günündə Bakının bəzi seçki dairələrində seçicilərin passivliyi müşahidə edilir.
Daha çox passivlik paytaxtın Xətai rayonunun seçki dairəsində hiss olunur - 12,73 faiz.
Xətai rayonunun ikinci dairəsində seçicilərin fəallığı 12 - 13,08 faiz, Səbayel rayonunda 15,51 faiz, Sabunçu rayonunun birinci seçki dairəsində 16,37 faiz, Nərimanov rayonunun ikinci seçki dairəsində 17,54 faiz təşkil edir, - MSK - dan bildiriblər.
Oktyabrın 15 - də Azərbaycanda prezident seçkiləri keçirilir. Prezident seçkisində yeddi namizəd - Yeni Azərbaycan Partiyasının (YAP) sədri, indiki övlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.