Azərbaycan, Bakı, 06 noyabr / Trend , müxbir S. Kazımlı / Bakının Binəqədi rayonu ərazisində qətl hadisəsi baş verib.
Bu barədə Binəqədi rayon Prokurorluğundan cümə axşamı Trend -a məlumat verilib.
Məlumata görə, bu gün saat 10:00 radələrində naməlum şəxs 8-ci mikrorayonda yerləşən 23 saylı binanın qarşısında 50 yaşlı Bakı sakini Dəyanət İsmayıl oğlu Səlimova bıçaqla xəsarət yetirərək onu öldürüb.
Hazırda rayon Polis İdarəsi və Prokurorluq əməkdaşları hadisə yerində araşdırma aparırlar. Hadisəni törədən şəxsin müəyyən edilib, tutulması üçün polis əməkdaşları tərəfindən əməliyyat-axtarış tədbirləri davam etdirilir. Hadisənin baş vermə səbəbləri hələlik bilinmir.
Faktla bağlı Binəqədi rayon Prokurorluğunda Azərbaycan Cinayət Məcəlləsinin qəsdən adam öldürmə, yəni digər şəxsi qəsdən həyatdan məhrum etmə (120.1-ci) maddəsi ilə cainayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
