Azərbaycan, Bakı, 04 dekabr/ Trend , müxbir R.Novruzov/ Azərbaycan və Almaniya qeyri - qanuni mühacirlər probleminin yeni həll yollarını axtarırlar.
Qeyri - qanuni mühacirlərin ölkədən çıxarılması haqqında müqavilənin imzalanması üzrə rəsmi danışıqlar dayandırılsa da, Almaniya və Azərbaycan əməkdaşlığın digər formaları üzrə rəy mübadiləsi aparmağa çalışırlar, - AFR - in Bakıdakı səfiri Pyer Stankina cümə axşamı Trend - a bildirib.
Onun sözlərinə görə, hazırda bu məsələ ilə Azərbaycan və Almaniyanın daxili işlər nazirlikləri və xüsusi miqrasiya xidməti məşğul olur.
Ötən həftə Azərbaycanın Almaniyadakı qeyri - qanuni azərbaycanlı mühacirlərin məsələləri üzrə səlahiyyətli nümayəndəsinin AFR - ə səfəri baş tutub. Səfər barədə əlavə məlumat yoxdur, - Stankina əlavə edib.
2007- ci ildə Almaniyaya azərbaycanlı mühacirlərin statistikası təxminən 6500 nəfərə bərabər olub. Bu qaçqınların bir hissəsi özlərini Azərbaycan vətəndaşı kimi təqdim edərək, AFR - də siyasi sığınacaq almağa cəhd göstərən milliyətcə ermənilərdir.
Müəlliflə əlaqə saxlamaq üçün elektron ünvan: [email protected]
