İran, Tehran, 25 dekabr / Trend , müxbir A.Namdari/ İran Ticarət Palatasının üzvi bildirib ki, İran gəmiçiliyində mövcud problemlər həll olunmalı və gəmiçilik inkişaf etdirilməlidir.
"2008-ci ildə dənizdə yük daşımaların həcmi 8.3 milyard ton təşkil edib. Bu rəqəm gəmiçilik sahəsinə diqqət artırılmasının vacibliyini göstərir",- deyə İran Ticarət Palatasının üzvi Qulamhüseyn Gülpərvər cümə axşamı Tehrdanda keçirilən İran Ticarət Palatasının 17-ci iclasındakı çıxışında bildirib.
Onun sözlərinə görə, hazırda İranın 184 ədəd 10 milyon ton tutumlu gəmisi var. İran gəmiçiliyi dünyada 20-ci yerdədir. "Dəniz yolu ilə yük daşımalarını həyata keçirmək üçün İrana 550 ədəd iri tutumlu gəmi lazımdır",-deyə Gülpərvər bildirib.
"Beynəlxalq yük daşımalarını həyata keçirmək üçün İran gəmiçiliyi 40 faiz inkişaf etdirilməlidir və bu sahəyə sərmayə yatırmaq istəyən xüsusi şirkətlərin dəstəyinə ehtiyac var",-deyə Gülpərvər bildirib.
Müəlliflə əlaqə saxlamaq üçün elektron ünvan [email protected]
