Azərbaycan, Bakı, 14 yanvar / Trend , müxbir A.Hüseynbala/ Azərbaycanın müxalif partiyalarının və qeyri-hökumət təşkilatlarının referendumla bağlı təsis etdikləri təşviqat qrupu kütləvi aksiyaların keçiriləcəyini istisna etmir.
"İmzatoplama kampaniyası başa çatandan sonra qrupun təsisçiləri qanunların imkan verdiyi çərçivədə araşdırmalar aparacaq və müxalifətin indiyə qədərki taktikalarına uyğun olaraq plan hazırlanacaq" - cərşənbə günü Trend -a "Qarabağ və Respublika Uğrunda Hərəkat"ın təsisçilərindən olan Ümid Partiyasının sədri, millət vəkili İqbal Ağazadə bildirib.
Trend -un arayışı: Azərbaycanın hakim partiyası "Yeni Azərbaycan", müxalif Müsavat Partiyası "Respublikaçılar" referendum üzrə təşəbbüs qruplaru yaradıblar.
"Azadlıq" blokuna daxil olan Xalq Cəbhəsi, Milli Birlik Hərəkatı, Vətəndaş və İnkişaf partiyaları, o cümlədən "Azərbaycan Naminə" İctimai Birlik, Demokrat Partiyası və bir sıra qeyri-hökumət təşkilatları "Respublika və Qarabağ Uğrunda Vətəndaş Hərəkatı", Klassik Xalq Cəbhəsi, Azadlıq, Milli Demokrat, Böyük Azərbaycan və Xalq patiyalarının təmsil olunduğu Demokratiya Uğrunda İttifaq isə "Azərbaycan Xalq Cümhuriyyəti" təşəbbüs qrupunun yaradılması barədə qərar veriblər.
Bu gün isə, Azərbaycan Milli İstiqlal Partiyası "Milli İstiqlal" təşəbbüs qrupu yaradıb.
Hakim partiyanın icra katibinin müavini Mübariz Qurbanlı əvvəllər Trend -a bildirib ki, müxalifət partiyalarının referendum əleyhinə yaratdıqları təşəbbüs qrupları səmərəsiz olacaq.
Azərbaycan parlamenti ötən ayın sonunda keçirilən iclasında Konstitusiyaya əlavələr və dəyişikliklər edilməsi ilə bağlı referendumun martın 18-də keçirilməsi barədə qərar qəbul edib. Konstitusiyanın 29 maddəsinə dəyişiklik edilməsinə dair referendumun keçirilməsi barədə qərar verilib.
Azərbaycan Respublikası Konstitusiyasının mətninə dəyişikliklər yalnız referendum vasitəsilə daxil edilə bilər (maddə 152). AR Konstitusiyasının mətninə dəyişikliklər Milli Məclis və ya prezident tərəfindən təklif edilirsə, o zaman təklif edilən dəyişikliklər üzrə əvvəlcədən AR Konstitusiya Məhkəməsinin qərarı alınmalıdır (maddə 153).
Azərbaycan Konstitusiyası 1995-ci ildə referendum yolu ilə qəbul olunub, 2002 - ci ildə Əsas Qanuna əlavə və dəyişikliklər edilib.
Ağazadənin sözlərinə görə,
təşviqat qrupunun referendumla bağlı nəzərdə
tutduğu tədbirlərin hamısı
təsisçilərlə
məsləhətləşmələrdən sonra
keçiriləcək.
"Biz regionlarda əhali ilə görüşməyi də nəzərdə tuturuq. Amma imzatoplama prosesi başa çatmadan, bu məsələləri gündəmə gətirmək istəmirik", - Ağazadə əlavə edib.
Ağazadə təşviqat qrupunun vahid qərargahının yaradılması ilə bağlı deyib ki, bu məsələnin həlli Mərkəzi Seçki Komissiyasının qrupun qeydiyyatı qərarından asılı olacaq: "Təşviqat qrupunun təsisçiləri olan üç partiyanın qərargahı var. Vahid qərargah Ümid, Müsavat və Demokrat partiyalarından birinin binasında yaradıla bilər", - Ağazadə vurğulayıb.
Müхаlifəti təmsil еdən Ümid Pаriyаsı 1993-cü ildə yаrаdılıb. 2002-ci ildə Vətəndаş Birliyi Pаrtiyаsı (VBP) Ümid Pаriyаsınа birləşib. VBP-nin sədri оlmuş İqbаl Аğаzаdə Ümid Pаrtiyаsınа sədr sеçilib. Аğаzаdə Milli Məclisin dеputаtıdır.
Məqalə müəllifi ilə əlaqə ünvanı: [email protected]
