Prezident İlham Əliyev bildirib
ki, 2008-ci ildə Dağlıq Qarabağ
münaqişəsinin həlli istiqamətində
Azərbaycanın mövqeləri daha da güclənib, -
AzərTAc dövlət agentliyinin yaydığı
məlumatına görə, Azərbaycan dövlət
başçısı bu sözləri Nazirlər Kabinetinin
2008 - ci ildə sosial-iqtisadi inkişafın yekunlarına
həsr olunmuş iclasında deyib.
Prezident BMT Baş Məclisində Azərbaycanın
mövqeyini dəstəkləyən Qətnamənin qəbulu
ölkəmizin siyasi və diplomatik uğuru, Azərbaycan
və Ermənistan prezidentlərinin imzaladıqları Moskva Bəyannaməsini
bunun davamı kimi qiymətləndirib.O bildirib ki, Bəyannamədə
əksini tapan müddəalar ölkəmizin mövqeyini tam
əks etdirir və münaqişənin beynəlxalq hüquq
normaları əsasında həllini hədəfləyir.
Dövlət başçısı 2009-cu ildə də
ordunun büdcəsinin artırıldığını
və Azərbaycanın hərbi xərclərinin 2,3 milyard
dollar təşkil edəcəyini qeyd edib. 2008-ci ilin
mühüm hadisələri sırasında prezident
seçkilərini də xatırladan Prezident İlham
Əliyev deyib ki, bu seçkilərin nəticələri
Azərbaycan xalqının mövcud hakimiyyətin
siyasətini bəyəndiyini və dəstəklədiyini
göstərdi.
Dövlət başçısı 2009-cu ildə
nəzərdə tutulan bütün işlərin
icrasının, Azərbaycan vətəndaşlarının
rifah halının yaxşılaşmasının diqqətdə
saxlanılmasının zəruriliyini bir daha vurğulayıb.
Məqalə müəllifi ilə əlaqə ünvanı: [email protected]