...

Əfqanıstanın sabiq və hazırkı rəsmilərinin ABŞ - la bağlı ciddi fikir ayrılıqları var

Siyasət Materials 28 Yanvar 2009 19:38 (UTC +04:00)

Əfqanıstan, Kabil, 28 yanvar/ Trend , müxbirlər A.Hakimi, D.Xatınoğlu/ Əfqanıstandakı  qeyri - sabitlik ABŞ hakimiyyətinin yürütdüyü siyasətin nəticəsidir - deyə, Əfqanıstanın sabiq hakimiyyətində (İslami Əmirlik) Talibanın Pakistandakı səfiri Trend -a bildirib.

Talibanın 2001-ci ilədək Pakistandakı səfiri Əbdülsəlam Zəif hesab edir ki, ABŞ terrorizmə mübarizəni bəhanə edərək, Əfqanıstana hücum edib və ölkədə sabitliyin pozulması birbaşa ABŞ-ın yürütdüyü siyasətə bağlıdır.

Lakin Əfqanıstan Prezident Aparatı rəsmisinin fikrincə, Taliban ABŞ-ı Əfqanıstana hücum etmək məcburiyyətində qoyub və ABŞ ölkədəki sabitsizliyə cavabdeh deyil.

Zəif çərşənbə günü Trend -un Kabildəki müxbirinə bildirib ki, Talibanın mahiyyəti  ilə bağlı  beynəlxalq aləmdə anlaşılmazlıq var:  biz (Taliban) məktəblərdən çıxmamışdıq, cihad (Allah yolunda müharibə) komandirləri idik. Lakin cihadın nəticəsiz olacağını,Əfqanıstanın təhlükədə olduğunu və  mücahidlərin(cihad edənlərin) adlarının ləkələndiyini gördükdə, bu qərara gəldim ki, silahları təhvil verməliyik. 

Onun sözlərinə görə, Talibanın Şimal bölgəsində fəaliyyət göstərən qolu silahlı mübarizəyə davam etdi.  "Biz qəbul edirik ki, Əfqanıstana xarici qüvvələrin hücumuna Taliban və ya əl-Qaidə şərait yaradıb, lakin biz ABŞ-ın Əfqanıstana hücumunu düzgün hesab etmirik",- deyə, Zəif bildirib.

Əfqanıstan prezidenti sözçüsünün müavini Siyamək Hirəvi yanvarın 28 - də telefonla Kabildən bildirib ki, Zəifin sözləri həqiqəti  bütünlüklə əks etdirmir: Taliban Əfqanıstanı əl-Qaidə terror şəbəkəsinin ən böyük qərargahına çevirmişdi, ABŞ 11 sentyabr hadisəsindən sonra,Əfqanıstana hücum etmək məcburiyyətində qalıb.

Zəif bildirib ki, Biz (Taliban)Üsamə Bin Ladenin (əl-Qaidənin rəhbəri) məsələsinə məhkəmədə baxılmasına hazır olduğumuzu bildirmişdik, lakin Bin Ladenə qarşı ittihamlar (11 sentyabr terror hadisəsinin səbəbkarı) üçün ABŞ-dan sübut tələb edirdik. ABŞ heç bir sübut təqdim etmədən Əfqanıstana hücum etdi.

Lakin Hirəvinin sözlərinə görə, Taliban hakimiyyətində bəzi rəsmilər (Zəif-in özü də  daxilolmaqla) Bin Ladenin təhvil verilməsinə razı idilər, talibanlarin 98 faizi bu qərarın əleyhinə idi. Onun sözlərinə görə, Taliban hakimiyyəti  dövründə əl-Qaidə dünyada geniş terror aktları həyata keçiridi və Əgqanıstan onların mərkəzi qərargahı idi.

Zəif Hirəvinin "ABŞ əl-Qaidənin mərkəzi qərargahını aradan qaldırmaq üçün Əfqanıstana hücum edib" fikirnə qarşı çıxaraq bildirib ki, ABŞ Talibana müxalif qüvvələri dəstəkləmək, yaxud Taliban hökumətini devirmək məqsədilə  Əfqanıstana hücum etməyib: "ABŞ  Orta Asiya ölkələrini nəzarətdə saxlamaq məqsədilə bu regionda mərkəzi qərargah istəyirdi. Nəticədə, terrorizmlə mübarizə bəhanəsi ilə Əfqanıstana hücum edərək, öz mərkəzini yaratdı".

Talibanın Pakistandakı sabiq səfirinin fikrincə, ABŞ - ın müsəlman dünyası ilə problemi var. ABŞ terrorizmlə mübarizə bəhanəsi ilə müsəlmanları məhv etmək niyyətindədir və müsəlmanlar arasında fikir ayrılığı yaradır.

O, hesab edir ki, ABŞ  "Allahla düşmənçilik" etməklə adını ləkələyib. Əfqanıstan və  digər müsəlman ölkələrində yaşanan problemlərin yeganə həlli ABŞ-ın müsəlman ölkələrinin daxili məsələlərinə müdaxilə etməməsidir. 

Əfqanıstanın Xarici İşlər Nazirliyinin sözçüsü Sultan Əhməd Behin Trend -a telefonla Kabildən bildirib ki, ABŞ Əfqanıstanda Talibanı aradan qaldırdıqdan sonra, ölkədə islam  idarəçiliyi yarandı, Zəifin bəyanatı qərəzlidir.

Behinin sözlərinə görə, Taliban və əl-Qaidə islamın adını ləkələyiblər, problem ABŞ - da deyil, Talibanın radikal düşüncələrindədir.

XİN cözşüsü əlavə edib ki, Talibanın hücumlarında son bir ildə Əfqanıstanda 3000  dinc əhali həlak olub. Məktəbdə oxuyan qızların üzünə turşu atmaqla, məktəbləri dağıtmaqla, müəllimləri öldürməklə hansı islamı təmsil edir?

Hirəvi isə bu iradlarla  bağlı bildirib ki, Əfqanıstanda 34 xarici ölkənin hərbi qüvvələri və ABŞ ölkənin iqtisadiyyatı, təhlükəsizliyi və imicinin yaxşılaşmasına çalışır, lakin Taliban buna mane olur.

Zəif kamikadze hücumları ilə bağlı Talibanın günahkar olduğunu etiraf edib və Talibanı bu məsələdə diqqətli olmağa çağırıb.

Xəbər lenti

Xəbər lenti