Azərbaycan Respublikasının Prezidenti İlham Əliyev dövlətçiliyinin qorunmasında, ictimai təhlükəsizliyin təmin edilməsində, öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən yüksək peşəkarlıq göstərdiklərinə görə Azərbaycan Respublikası Daxili İşlər Nazirliyinin Daxili Qoşunlarının aşağıda adları göstərilən hərbi qulluqçuları - leytenant Hüseynov İlham Tofiq oğlu (ölümündən sonra) və çavuş Yolçuyev Əli Kərim oğlu (ölümündən sonra) "İgidliyə görə" medalı ilə, tibb xidməti polkovniki Əliyev Elçin Vəli oğlu, polkovnik İsmayılov İlham İsmayıl oğlu, polkovnik Qurbanov Cəbrayıl Qurban oğlu, polkovnik-leytenant Abdurəhmanov Salman Nəriman oğlu, polkovnik-leytenant Budaqov Məftun Məmməd oğlu, polkovnik-leytenant Salehov Səftər Sabir oğlu, mayor Xasayev Sədrəddin Məmməd oğlu, baş leytenant Mahmudov Zahid Alı oğlunun (ölümündən sonra) "Hərbi xidmətlərə görə" medalı ilə təltif edilmələri barədə sərəncam imzalayb. Məlumatı AzərTac dövlət informasiya agentliyi yayıb.
...