İran parlamentinin 247 üzvündən 211 nümayəndə bəyanat yayaraq qarşıdakı prezident seçkilərində Mahmud Əhmədinejadı dəstəklədiyini bildirib. Bu barədə IRNA xəbər agentliyi məlumat yayıb.
"Biz, parlament nümayəndələri ötən 4 il ərzində Mahmud Əhmədinejadın çəkdiyi zəhmətləri və iş təcrübəsini, ədalətli olmasını və ölkənin inkişafına dair çalışmalarını nəzərə alaraq, qarşıdakı prezident seçkilərində onu dəstəkləyirik", -bəyanatda bildirilir.
İranda növbəti prezident seçkiləri iyunun 12-də keçiriləcək. Hazırda dörd namizəd rəqabət aparır: hazırkı prezident Mahmud Əhmədinejad, sabiq Baş nazir Mir Hüseyn Musəvi (Hossein Mousavi), eks-spiker Mehdi Kərrubi və İran İnqilabçıları Korpusunun sabiq rəhbəri Möhsün Rizayi (Mohsen Rezaee).
