Azərbaycan, Bakı, 24 iyun / Trend , müxbir A.Hüseynbala /
Azərbaycanın vəzifəsindən istefa verən müxalif partiyasının yeni sədri iki aydan sonra seçiləcək.
"Partiyanın Nizamnaməsinə görə partiya sədri Ali Məsclisin iclasında seçilməlidir", - çərşənbə günü Trend -a Açıq Cəmiyyət Partiyasının (ACP) sədr müavini Yaqub Abbasov bildirib.
Trend -un arayışı: Ötən gün sağ mərkəzçi, müxalifətyönlü Açıq Cəmiyyət Partiyasının sədri Akif Şahbazov İdarə Heyətinin iclasında vəzifəsindən istefa verib. Onun səlahiyyətlərini Ali Məclisin sədri Vaqif Mahmudov icra edəcək.
ACP 2007-ci ilin aprelində təsis olunub. Partiyanın lideri Azərbaycanın eks-spikeri, hazırda mühacirətdə yaşayan Rəsul Quliyevdir. 2007-ci ilin fevralınadək ADP-nin sədri olmuş Quliyev və onun tərəfdarları etiraz olaraq ADP-dən imtina edərək özlərinin Açıq Cəmiyyət Partiyasını yaradıblar. ACP 2008-ci il oktyabrın 15-də kеçirilən prezident seçkilərində iştirak etməmək barədə qərar qəbul etсə də, hakim Yeni Azərbaycan Partiyasının namizədi İlham Əliyevi dəstəkləyib.
Abbasovun sözlərinə görə, sədrliyə namizədin irəli sürülməsi səlahiyyəti partiyanın liderinə məxsusdur. "İki aydan sonra Ali Məclisin iclası keçiriləcək və liderimiz Rəsul Quliyev kimin namizədliyini irəli sürəcəksə, onu da müzakirə edib qərarımızı qəbul edəcəyik", - partiya funksioneri əlavə edib.
Sədr müavini deyib ki, Akif Şahbazov sədrlikdən istefa versə də, partiyanın üzvü olaraq qalacaq. "O, İdarə Heyətinin üzvü kimi fəaliyyətini davam etdirəcək", - Abbasov vurğulayıb.
Şahbazovun istefasının səbəblərinə gəldikdə, Abbasovun sözlərinə görə, İdarə Heyətinin iclasında çıxış edən keçmiş sədr hazırda ABŞ-da yaşayan liderimizin Azərbaycana qayıdışı ilə bağlı planının yerinə yetirilməməsinə mənəvi məsuliyyət daşıdığından bu qərara gəldiyini bildirib.
Məqalə müəllifi ilə əlaqə ünvanı:[email protected]
