Azərbaycan, Bakı, 26 avqust / Trend , müxbir A.Hüseynbala /
Azərbaycanda yeni yaradılan müxalifətyönlü partiya Ədliyyə Nazirliyində rəsmi qeydiyyata alınması yubadıldığı üçün məhkəməyə müraciət edə bilər.
"Bu günlərdə növbəti dəfə Ədliyyə Nazirliyinə partiyanın dövlət qeydiyyatına alınması üçün müraciət edəcəyik. Nazirlikdə məsələ müsbət həll olunmasa, məhkəməyə şikayət ərizəsi verəcəyik", - çərşənbə günü Trend -a Aydınlar Partiyasının sədri Qulamhüseyn Əlibəyli bildirib.
Trend -un arayışı: Aydınlar Partiyasının təsis qurultayı 2008-ci il dekabrın 14-də keçirilib. Əlibəyli partiyanın sədri seçilib.
Əlibəyli 1992-1993-cü ildə Prezident Əbülfəz Elçibəyin müşaviri və parlamentdə rəsmi nümayəndəsi olub. 1995-ci ildən 2005-ci ilədək iki dəfə ardıcıl olaraq Milli Məclisin deputatı olub. Avropa Şurası Parlament Assambleyasında Azərbaycan nümayəndə heyətinin üzvü olub. O, 1989-cu ildən XC-nin üzvü, 1993-cü ildən isə АХCP-nin Ali Məclisinin sədri olub. Аvqustun əvvəllərində АХCP Аli Məclisinin sədri vəzifəsindən istеfа vеrib, sеntyаbrın ахırındа yеni Аydınlаr Pаrtiyаsı yаrаdаcаğı məlum оlub. АХCP üzvü Nizаmi Quliyеv də pаrtiyаdаn istеfа vеrərəк Аydınlаr Pаrtiyаsının sırаlаrınа qоşulаcаğını bildirib.
Əlibəylinin sözlərinə görə, partiyanın qurultayı keçiriləndən sonra qeydiyyata alınması üçün bütün zəruri sənədlər Ədliyyə Nazirliyinə təqdim olunub.
"Qeydiyyatın yubadılmasının səbəblərini öyrənmək üçün dəfələrlə nazirliyə sorğu göndərmişik. Nazirlikdə sənədlərin qaydasında olduğu, sadəcə partiya üzvü olan insanların imzalarının yoxlanıldığı bildirilib", - partiya sədri əlavə edib.
Onun fikrincə, Ədliyyə Nazirliyinin partiyanın qeydiyyatını yubandırmasına heç bir hüquqi əsas yoxdur. "Düşünürəm ki, bunu nəzərə alaraq partiyamız yaxın müddətdə dövlət qeydiyyatına alınacaq", - Əlibəyli vurğulayıb.
Məqalə müəllifi ilə əlaqə ünvanı: [email protected]
